Таиландта өтіп жатқан велоспорттан Азия чемпионатында Қазақстан құрамасы алтын жеңіп алды

Таиландта өткен шосседегі велоспорттан Азия чемпионатында Қазақстан құрамасы алтын медаль жеңіп алды, деп хабарлайды Qazaqpress Қазақстан Республикасы Ұлттық Олимпиадалық комитетінің (ҰОК) баспасөз қызметіне сілтеме жасап.

«Районг қаласында (Таиланд) шосседегі велоспорттан Азия чемпионаты басталды. Турнирдегі алғашқы медаль Қазақстан құрамасына бұйырды. Біздің спортшылар алтынға қол жеткізді. Қазақстандық велошабандоздар командалық жарыста (аралас) мәреге бірінші жетті», — делінген сәрсенбіде тараған хабарламада.

Ел намысын Рината Сұлтанова, Игорь Чжан, Евгений Федоров, Дмитрий Груздев, Махаббат Үмітжанова және Марина Кузьмина қорғады.

Фото дереккөзі: Қазақстан Республикасы Ұлттық Олимпиада комитетінің баспасөз қызметі.