Батыс Қазақстан облысында белгісіз біреу судьяның көлігін өртеп жіберді

Батыс Қазақстан облысында белгісіз біреу судья Ілияс Іргебаевтың көлігін өртеп жіберді, деп хабарлайды Qazaqpress Uralskweek.kz-ке сілтеме жасап.

«31 мамырда Жаңғала ауылында белгісіз біреулер аудан судьясы Ілияс Іргебаевтың көлігін өртеп жіберген. Өрт сөндірушілер келгенше өрт сөндірілді. Өртенген көліктің өзіне тиесілі екенін судьяның өзі растады», — деп жазады басылым.

ТЖД Toyota Camry көлігінің артқы капоты, артқы бампері және артқы сигнал шамдары жанып кеткенін атап өтті. Өрт өрт сөндірушілер келгенше ауыздықталды. Көлік ресейлік тіркеуде болған.

«Өрт қоюды белгісіз адам жасаған, оған қатысты ҚР Қылмыстық кодексінің 202-бабының 2-бөлігі «Бөтеннің мүлкін қасақана жою немесе бүлдіру» бойынша сотқа дейінгі тергеп-тексеру жұмыстары басталды», — деп хабарлады ведомствоның баспасөз қызметі.

«Қазір бұл туралы ешқандай ақпарат бере алмаймын, өйткені менде барлық жүргізілген тергеу әрекеттері туралы ақпарат жоқ. Екіншіден, ақпарат ресми түрде берілсе де біздің БҚО сотының баспасөз қызметі арқылы болады, сондықтан мен сізге ешқандай түсініктеме бере алмаймын, мені түсінесіздер деген үміттемін. Көлік менікі, отбасылық көлік», — деп жауап берді судья Ілияс Іргебаев.