«Қазақконцерт» мемлекеттік концерттік ұйымының жанынан «Халық қазына» ұлттық өнер орталығы құрылды, деп хабарлайды Qazaqpress Мәдениет және спорт министріне сілтеме жасап.
«Роза Бағланова атындағы «Қазақконцерт» мемлекеттік концерттік ұйымының жанынан ұлттық дәстүрлі мәдениет пен өнерді республикалық деңгейде насихаттауға бағытталған «Халық қазына» ұлттық өнер орталығы құрылды», – деп жазды министр Оралов әлеуметтік желіде.
Сондай-ақ ол «Ұмай» ұлттық сыйлығының жыл сайын беріліп тұратынын атап өтті.
Орталық қызметінің негізгі бағыттары: концерттік іс-шараларды өткізу, республикалық және халықаралық ауқымдағы мәдени жобаларды жүзеге асыру (өнер байқаулары, музыкалық-этнографиялық көрмелер және т.б.), ұлттық музыкалық аспаптарда ойнау сабақтары, шеберлік сабақтары мен семинарлар өткізу (онлайн және офлайн форматтары) ), тұрғындардан жиналған аудио-бейне жазбаларды, әндер мен күйлер жинақтарын шығару, Қазақстан бойынша және шетелдерге гастрольдік сапарлар.
Сіз жаңалықтар туралы не ойлайсыз