Ақтөбе облысында грант алу кезінде жалған жұмыс орындарын құрудың 100-ден астам фактісі анықталды, деп хабарлайды Qazaqpress прокуратураның баспасөз қызметі.
Жалған жұмысқа орналастырудың көптеген фактілері, жалған әлеуметтік жұмыс орындарын құрудың, талап етілмеген кәсіптерге формальды оқытудың 100-ден астам фактілері, сондай-ақ кәсіпкерлік идеяларды қолдауға гранттар беру кезіндегі көптеген заң бұзушылықтар анықталды.
Ісін жаңа бастаған кәсіпкерлерге 400 айлық есептік көрсеткіш (1 225 200 теңге) көлемінде қайтарымсыз гранттар беріледі.
Прокуратура облыста «Мой Сам» автожуу орны ашылуы тиіс болғанын, оған 1,2 миллион теңге бөлінгенін, бірақ іс жүзінде көлік жуу орны жоқ екенін атап өтті.
Сондай-ақ нақты жұмыс істеген адамдарға жұмысынан айырылу бойынша жәрдемақы негізсіз төленді.
«Барлық заң бұзушылықтар бойынша қадағалау актілері енгізіліп, оның қорытындысы бойынша кінәлі лауазымды тұлғалар қатаң тәртіптік жауапкершілікке тартылды, оның ішінде лауазымынан босатуға дейін», — делінген хабарламада.
Сіз жаңалықтар туралы не ойлайсыз