Қолданбалы экономикалық зерттеулер орталығы (AERC) Қазақстандағы инфляцияға байланысты зерттеу жүргізіп, ол өзінің шарықтау шегіне ақпан айында жетеді деген қорытындыға келді, деп хабарлайды Qazaqpress Bizmedia.kz-ке сілтеме жасап.
AERC: 2023 ж. ақпан айында Қазақстандағы жылдық инфляция көрсеткіші 21,06% деңгейге жету мүмкін
2023 жылдың ақпан айында Қазақстандағы жылдық инфляция көрсеткіші 21,06% деңгейге жету мүмкін деген болжам бар. Бұл қаңтар айында байқалған (20,7%) көрсеткіштен де жоғары. Алайда, инфляция ақпан айынан кейін төмендей бастайды деген үміт бар.
Наурызда инфляция 17,84%-ке дейін төмендейді, ал сәуірде 16,57%-ке дейін төмендеп, әрі қарай төмендей береді деп ойлайды. Неге инфляция көрсеткіші төмендеу мүмкін деген сұраққа келер болсақ, алдыңғы жылы инфляцияның базасы жоғары болғанымен, яғни, наурызда – 3,7%, сәуірде – 2,0% болғанымен байланысты болу мүмкін дейді AERC.
Алдағы айларда инфляция төмендей береді деп болжайды AERC. Яғни, ақпан, наурыз және сәуір айларында инфляция көрсеткіші 1,01%, 0,95% және 0,92%-ке дейін төмендейді деген сөз. Бұл қаңтар айындағы (1,1%) көрсеткіштен төмен.
Жуырда AERC «Қазақстанның макроэкономикалық шолуы» деп аталатын елдің алдағы жылға арналған экономикалық болашағы туралы есебін жариялады. Шолуда ЖІӨ өсімі мен инфляция сынды әртүрлі макроэкономикалық ахуалдарға қатысты зерттеу нәтижелерінің қорытындысын ұсынып, бағасы берілген.
Сіз жаңалықтар туралы не ойлайсыз