Премьер-министрдің орынбасары Алтай Көлгінов жуырда Қазақстандағы мектептердің 70% турникетпен жабдықталғанын және лицензиясы бар күзетшілері жұмыс істейтінін мәлімдеді, деп хабарлайды Qazaqpress Bizmedia.kz-ке сілтеме жасап.
Көлгінов шалғай елді мекендердегі мектептерде лицензиясы жоқ күзетшілер де бар екенін мойындайды. Алайда, жалпы мектептердің 87%-де дабыл қағу түтікшесі бар және 70% астамы турникеттермен жабдықталған, оған қоса лицензиясы бар күзетшілермен келісім-шарт жасалғанын айтты. Оның айтуынша, күзетшілері жоқ мектептерде қарауылы бар. Бірақ, оқу мекемелеріне бәрібір лицензиясы бар күзетшілер қажет.
Петропавл қ. N4 мектебінде үш оқушыны жаралаған жасөспірім туралы оқиғасына түсініктеме берген ҚР Премьер-Министрінің орынбасары мектеп аумағында бейнебақылау орнатылғанын, бірақ лицензиясы бар күзетшінің жоқ екенін айтты.
Премьер-Министрдің орынбасары жергілікті әкімдіктерге облыстағы барлық мектептердің кешенді қауіпсіздік жүйесімен, оның ішінде бейнебақылау қондырғыларымен, полициямен тікелей байланыс орнатуға арналған дабыл қағу түтікшелерімен, рұқсатсыз мектеп аумағына кіруге кедергі жасайтын турникеттермен және лицензиялық қауіпсіздікті қамтамасыз ету сынды маңызды міндеттер жүктеді.
Еске сала кетелік, 13 ақпан күні таңертең Петропавлдағы N4 мектепте қайғылы оқиға орын алды: 9-сынып оқушысы үш қатарласына балтамен шабуыл жасаған болатын. «Екі немесе одан да көп адамның өміріне қастандық жасау» бабы бойынша қылмыстық іс қозғалды. Зардап шеккендер ауыр жарақатпен дереу ауруханаға жеткізіліп, медициналық көмек көрсетілді.
Сіз жаңалықтар туралы не ойлайсыз