Ұлттық статистика бюросының мәліметінше, 2022 ж. қаңтар-желтоқсан айларында шекара асып, елден 24 239 адам кеткен, қайтып оралғандар саны 17 293 адамды құрады. Миграция көрсеткіші әлі де жоғары, -6946 адамды құрады, деп хабарлайды Qazaqpress Zakon.kz-ке сілтеме жасап.
Сарапшылардың айтуынша, 2021 жылмен салыстырғанда Қазақстанға келген адам саны 57,5% артып, кеткендер саны 24,7% азайыпты.
Қазақстандықтар көбіне ТМД елдерінің арасында ғана көшуде. Мәселен, Қазақстанға ТМД елдерінен келгендердің үлесі 85,9% болса, кеткендердің үлесі 83,4%-ті құрады.
Республиканың төрт облысында өңіраралық көші-қон оң көрсеткішке ие: Алматыға – 35 302 адам, Астанаға – 33 798 адам, Шымкентке – 2 756 адам, Алматы облысына – 898 адам көшіп келіпті.
2023 ж. 1 қаңтарында ҚР жалпы халық саны 19 765 004 адамды құрады, оның 12 208 259 қала тұрғындары, ал 7 556 745 ауылда тұрады екен.
Сіз жаңалықтар туралы не ойлайсыз