Қазақстандық әнші әрі киноәртіс Жанар Дұғалова тұрмысқа шығуда. Ол өзінің таңдаған адамымен қалай танысып, қалай қосылғанын баяндап берді, деп хабарлайды Qazaqpress Nur.kz-ке сілтеме жасап.
Продюсер әрі сұхбат беруші Тимур Балымбетов өзінің YouTube арнасында жарияланған сұхбатында Жанардың өмірінде маңызды және қуантарлық өзгерістер болып жатқанын «бір жел құлағына үрлегенін» мойындады. Яғни, Жанар – тұрмысқа шығып жатыр деген хабар дөң басындағы аттың да құлағына жетіпті.
Жанар қуанышты хабарды растады.
«Иә, бұл рас. Иә, тұрмысқа шығамын. Бір «қаша алмайсың, жасырына алмайсың, махаббат қуып жетеді» (авт. түсініктемесі – «Любовь настала», сөзін Роберт Рождественский, әнін Раймонд Паулс жазған) деген әнде айтқандай менімен де солай болды. Негізі тағдырымыз бұрыннан тоғысқан екен. Біз онымен бір жолмен жүріп, бір азық-түлік дүкеніне барып жүргеніміз белгілі болды, ол кезде біз Мәскеуде тұрған едік және оқып жүрдік, бірақ бір рет те жолымыз қиылыспаған еді.
Біз Қазақстанда, үйде таныстық ақыры. Біздің саладан болмаса да, музыка жағынан талғамы мен есту қабілеті жақсы дамыған адам екен. Көп қырлы, қызықты жігіт. Мен үнемі тұрмысқа шыққым келген-тін, армандап жүрдім, бірақ жай тұрмысқа шыға салу емес, шын махаббатпен, құжат бойынша келісілген тұрмысты емес, алдын ала жоспарлап та емес, ақылмен емес, тек жүрегімнің қалауымен тұрмысқа шыққым келетін», – деді ол.
Той наурыз айына жоспарланғаны анықталды.
Сіз жаңалықтар туралы не ойлайсыз