Нұрқожа (тарих ағай) Digital Almaty форумын сынап тастады.
2-3 ақпан күні Алматы қаласында өткен «Digital Almaty: жаңа замандағы цифрлық серіктестік» атты V Халықаралық цифрлық форумында Тарих ағай лақап атымен танымал Қазақстан азаматы Нұрқожа Ерсайын сұрақ қоюға кез келгенде спикерлер мен модераторларға неге форумды қазақша өткізбейсіңдер, деп наразылығын білдірді.
Derekkoz Tik-tok арнасында Нұрқожа Ерсайынның аудитория алдында сөйлеген бейнесі шықты. Жазылған пікірлерге сүйенсек, желі қолданушыларының басым бөлігі бейнеролик кейіпкерінің сөздерімен келіскен сияқты.
«Алдыңызда сөйлеп тұрған жеті адамның бесеуі – қазақ. Залда жиналған адамдардың 90% қазақ. Мына арттарыңыздағы жазу да барлығы орысша, өздеріңіз де орысша сөйлеп отырсыздар. Әкім орынбасары отыр екен, ол да орысша сөйлеп отыр. Неліктен қазақша сөйлемейсіздер? Бұл Диджитал Алматы ма әлде Диджитал Мәскеу ме? Біз өзі қай елдеміз қазір? Не себептен қазақша сөйлемейсіздер? Мысалы, көп адам түсінбей отырған шығар», – деді @nurqojadua.
Аудитория арасында «дұрыс-дұрыс» деген гуілдер естілді. Нұрқожа Ерсайын аудиторияның басым бөлігінің көңілінен шығыпты.
Алайда пікір білдірушілердің арасында өзара кішігірім когнитивті диссонанс пен дау орын алған көрінеді. Мәселен, модератор форум қатысушысына келесіде қазақша өткізетін боламыз деген еді, бірақ пікір білдірушілер бұған сенбейтін тәрізді.
Естеріңізге сала кетсек, Қазақстан президенті «2023 – орыс тілінің жылы болсын» деген ұсыныс жасаған болатын. Ал, біз өткен мақаламызда қазақ елі бұнымен келіспеу мүмкін деп жазған болатынбыз. Себебі, ҚР жастары ынталанып, қазақ тілінің мәртебесін еркін шығармашылық арқылы көтеруде.
Сіз жаңалықтар туралы не ойлайсыз