Міндетті медициналық сақтандыру аясында Алматы қаласында халықтың нысаналы топтарын скринингтік тексеру тіркелген жерін бойынша емханаларда тегін жүргізіледі.
2022 жылы Алматы қаласы бойынша онкологиялық ауруларды ерте анықтау бойынша скринингтің жалпы жоспарының орындалуы 98,7%-ды құрады.
Жатыр мойны обырына 74 098 әйел тексерілді, соның ішінде 21 адамда қатерлі ісіктің ерте сатысы анықталды, бұл болашақта олардың емделуіне оң әсер ететіні сөзсіз, ал 538 адамда ісік алды жағдайы анықталған.
Сүт безі обырына 77 мыңға жуық тексерілген әйелдердің 169-ында ауру анықталып, оның 156-сы аурудың ерте сатысында анықталды.
Тоқ ішек обырына 86 819 адам скринингтік тексеруден өтіп, оның 32-сі қатерлі ісікке шалдыққан, соның ішінде 26-сы ерте сатыда анықталды.
Қорытындылай келе, онколог қатерлі ісік ауруын ерте кезеңде анықтау мыңдаған адамның өмірін сақтауға көмектесетінін тағы бір ескертіп, ерте емдеу онкологиялық науқастардың көпшілігі үшін сәтті болуы мүмкін екенін баса айтты.
Қазақстанда ерлер мен әйелдер арасында жатыр мойны обырын, сүт безі обырын және тоқ ішек обырын ерте анықтау үшін скринингтің үш түрі жүргізіледі:
Жатыр мойны обырын диагностикалау 30 жастан 70 жасқа дейінгі әйелдерге төрт жыл сайын жүргізіледі. Көбінесе қатерлі ісік осы жаста анықталады.
40 жас пен 70 жас аралығындағы әйелдер маммография арқылы екі жылда бір рет сүт безі обырына скринингтік тексеруден өте алады.
Неліктен 40 жастан басталады? Статистикаға сәйкес, осы жаста онкологияның дамыған жағдайлары жиі анықталады.
Екі жыл сайын 50 жастан 70 жасқа дейінгі ерлер мен әйелдердің арасында тоқ ішек және аш ішектің қатерлі ісігін анықтау жүргізіледі — бұл жас кезеңінде патологиялар жиі анықталады.
Сіз жаңалықтар туралы не ойлайсыз