Проценттік ставка өскен сайын Қазақстандағы жеке тұлғалардың депозиттері де артып, 2023 жылдың басында 26%-ке немесе 3,5 триллион теңгеге өсіп, 16 триллион 921 миллиард теңгені құрады. Әсіресе, ең көп салым желтоқсан айында жасалған – депозиттер көлемі 1,2 триллион теңгеден астам өскен, деп хабарлайды Qazaqpress Bizmedia.kz-ке сілтеме жасап.
Kaspi және BCC
Соңғы жылда Kaspi Bank пен Bank Center Credit депозиттерінің көлемі күрт өсіп кетті, екі банктің де салым соммасы 1,1 триллион теңгеден астам өскен екен. Kaspi Bank-те депозиттердің жалпы соммасы 3,6 трлн теңгеге дейін, ал BCC-де 1,89 трлн теңгеге дейін өсті.
Халық банкі
Халық банкі ҚР тұрғындарының депозиттерінің басым бөлігіне ие: жыл соңында олардың жалпы сомасы 5,14 трлн теңгені құрады, бұл өткен жылмен салыстырғанда 814,4 млрд теңгеге артық.
Отбасы банкі
«Отбасы банкі» тағы 430 миллиард теңгеге өсіпті, жалпы депозит көлемі 2,19 триллион теңгені құрады.
Депозит өсімінің нәтижесі
Нәтижесінде Қазақстан азаматтарының күллі жинақтарының 76% осы 4 қазақстандық банкте шоғырланыпты.
Капиталдың сиреюі
Сонымен қатар басқа бес банкке салынған депозиттердің жалпы сомасы күрт төмендеп кетті. Соның ішінде «Береке» банкі – 1 триллион теңгеден 205,7 миллиардқа дейін шығынға ұшырады. Сыртқы сауда банкі (ССБ) депозиттерінің де көлемі күрт төмендеп, 81,7 млрд-тан 17,7 млрд теңгені құрады. Ситибанктің депозиттер көлемі 2 миллиардтан 3,1 миллионға дейін төмендеді, ал Қазақстандағы Bank of China депозиттері 3,4 миллиардтан 2,7 миллиардқа азайды. Осының арасында тек First Heartland Jusan Bank (FHJB) үлкен шығынға ұшыраған жоқ екен, жалпы депозит көлемі 678,5 млрд-тан 651,7 млрд-қа дейін төмендепті.
Сіз жаңалықтар туралы не ойлайсыз