Назарыңызға Қытай мен Қазақстан арасында жаңа ақша аудару жүйелерін ұсынамыз, қымбатты оқырман! Мақаламыз нарық орманында бағыт табуға көмектеседі деп үміттенеміз. Мақала соңында бонустар бар!
Проблемалар мен шектеулер
Ақша аудару әдістерін қарастырмас бұрын, ескертулермен танысып шығуға кеңес береміз:
- Жеке тұлға ретінде Қазақстан Республикасы банкінің шотынан басқа бір жеке тұлғаның шотына ақша аудару кезінде Жаңа жылдан бастап ҚР Қаржы министрлігінің Мемлекеттік кірістер комитеті жеке тұлғалардың мобильді аударымдарын тексерістен өткізетінін есте сақтаңыз.
- Сондай-ақ, шот ашпай-ақ $5 000 астам соманы аударған кезде қаржылық бақылау жүргізіледі (яғни ақшаны қайдан алғаныңызды және қандай негізде шетелге жіберіп жатқаныңызды тексереді).
- Alipay шотыңыздан өзге адамның дәл сондай шотына ақша аударған кезде, ресми түрде бір тәулікте 20 мың юань ғана аудара аласыз.
Қытайдағы жеткізушіге қалай ақша аударуға болады
Ақпараттық-анықтамалық perevody-deneg.ru сайтының мәліметінше (сайт сенімділігі: сенімді, сапасы: 71/100 – trustorg.com, pk.uchet.kz және parsesite.ru сайттарында тексерілді), ресми ақша аудару әдістерінен бөлек халық ішінде елден қытайлық жеткізушіге ақша аударудың тағы үш әдісі бар, яғни, онлайн түрде аударуға, банктер арқылы және криптовалюта арқылы аударуға болады. Бұл мақалада біз әрқайсысын жеке қарастырып, бүгінгі таңда азды-көпті сенім ұялататын дәйеккөздерден өзекті төлем жүйелерін ұсынуға тырыстық.
Онлайн аударымдар
Онлайн аударымдар жайлы сөз қозғасақ, Alipay-ден бөлек өзге де онлайн төлем жүйелерін ұсынған banknearme.info (сайт сенімділігі: нашар, сапасы: 69/100) сайтының Money Gram, Western Union, Xoom, Wise және World Remit сынды бірнеше сайттарын шолып көрдік.
Money Gram — американдық трансшекаралық P2P төлемдер мен ақша аударумен айналысатын компания. Ол Америка Құрама Штаттарында орналасқан, ал штаб-пәтері Даллас, Техас қаласында. Оған қоса, оның Миннесота штатындағы Сент-Луис Паркте жеке операциялық орталығы мен әлем бойынша аймақтық және жергілікті кеңселері бар.
Өздерінің сөзінше, олар төлем жүйесі мен ақша аудару қызметтерін ұсыну бойынша екінші орында тұр. Онымен қоймай, олар АҚШ-тағы қаржы институттары үшін қолжетімді ресми тексеру және аутсорсинг қызметтерін ұсынады. «Ресми чектер тұтынушы мен төлем қабылдаушының арасында әркім өз міндеттемелерін банк пен қаржы институттарында орындағанын растау үшін беріледі», – деп жазылған ресми сайтының басты бетінде. Бірақ, біздің ойымызша, бұл төлем әдісі қарапайым халыққа емес, алып көлемді тауарлары бар және «тәжірибесі» мол ірі кәсіпкерлерге көбірек келетін сияқты.
Келесі кезекте Western Union. Кезінде ол ресейліктер мен барша ТМД елдерінде кең қолданысқа ие болған еді. Бірақ, қазір олар «Ұлттық төлем жүйесі туралы» заңның бұзылуына және АҚШ үкіметінің талабы бойынша Промсвязбанкпен жұмысын тоқтатуына байланысты 2022 жылдың 10 наурызынан бастап РФ-те қызметін тоқтатты. Ресей санкциялар мен өзге де қиындықтардың салдарынан шетелге ақша аударудың өзге жолдарын іздеуде және sdelaicomp.ru ақп. порталының хабарлауынша (2023 жылғы 11 қаңтардағы тексеріс нәтижесі бойынша, сайт сенімділігі: бейтарап, сапасы: 53/100), Ресей Федерациясында Sendnomad (негізі, ол Қазақстанда да қолданыста), Mir Pay, Тинькофф Банк, Сбербанк, Cryptocurrency аударымдары және т.б. кең қолданыста екен. Дегенмен, Вестернге қатысты Қазақстанда бұрын нарықтағы бөлек комиссияның көтерілуі сынды жағдайлар жиі орын алған екен, сондықтан тәуекел өте үлкен деп ескертеміз. Біз тек Вестерн елімізде жабылмағанын және онымен де Қытай-Қазақстан арасында ақша аударуға болатынын айтқымыз келіп отыр.
Ескерту: Western Union ресми сайтында олар өз тұтынушыларының қауіпсіздігін қамтамасыз ету үшін бар күшін салып жатқанын айтады. Бірақ, сіз – қымбатты серіктес, бәрібір мұқият болуыңыз керек және күнде біліміңізді арттыра бергеніңіз абзал. MediaNet халықаралық журналистер ұйымының журналистері де олармен келіседі. Медиа-сауаттылығыңызды арттырыңыз, қымбатты оқырман!
Xoom – біздің ойымызша, осы тізімнің арасында Қазақстаннан шетелге аударым жасаудың ең қолайлы тәсілі. Өйткені, мұнда онлайн аударымдармен қатар, дүние жүзіндегі мыңнан астам қызмет көрсету жерлері арқылы банктік шоттарға, дебеттік картаға төлем аударуға немесе қолма-қол да ақша жіберуге болады. Жеке де, заңды да тұлғалар үшін өте қолайлы жүйе сияқты.
Wise пен World Remit туралы мардымды ештеңе айта алмаймыз, өйткені Wise ресми веб-сайтын Интернеттен табу өте қиын екен (шамасы, жоқ шығар). Ал, Word Remit-тың Instagram ресми парақшасында 51 мың тіркелуші болғанмен, like пен жазылған пікірлері өте аз. Не дегенмен, Wise («даналық» деп аударылады) арқылы жоғарыда келтірілген ақп. сайтқа өтіп, онлайн аударымдар жасай аласыз.
Тағы бір әдіс ретінде Paysend халықаралық ақша аудару қызметін ұсына аламыз. «Бар болғаны 199 теңгеге» жер шарының 170-тен астам еліне қаражат аударуға мүмкіндік бар. Қазір сайтта юань мен теңгенің бағамы 1 = 70,93 көрсетіп тұр, алайда сайт бірнеше минут сайын ақпаратын жаңартып отырады екен. Ал, FromTo.money.ru сайтын Paysend-ке жай қосып бере салайық. Айтпақшы, Union Pay-ден сақ болғаныңыз жөн, өйткені оның ақпарат көзі forte.kz аса сенімді емес көрінеді (сайт сенімділігі: бейтарап, сапасы: 43/100).
Банктер
Банктерге келер болсақ, біз Қазақстандағы қытайлық банктердің тек екі-ақ филиалын таптық – олар (ICBC – Industrial-Commercial Bank of China (Almaty) «Қытайдың өнеркәсіптік-коммерциялық банкі (Алматы)» және Bank of China Kazakhstan
Ескерту: ICBC-ге қатысты Интернетте түрлі фишинг-сайттар бар деп ескерткіміз келеді, сондықтан оның ресми сайтының сілтемесін ұсына алмадық. Сақ болыңыз!
Криптобиржалар
Пайдаланушылардың 93% астамы Ethereum криптовалютасына сенім артып, ұсынады екен otzovik.com сауалнамасына қарағанда (сайт сенімділігі: сенімді, сапасы: 44/100). Әзірге бары осы.
Айтпақшы, уәде еткеніміздей, бонустарды қабыл алыңыз! Sinocom.ru форумында (сайт сенімділігі: бейтарап, сапасы: 65/100) сіз Қытай нарығының тұтынушыларымен танысып, керек тақырыптарыңызды аноним қолданушылармен талқылап, пікірлес адамдармен тәжірибе алмасып, т.б. қызықтарға қол жеткізе аласыз. Және Tengenomika атты авторлық telegram арнасынан болашағы зор және жас қазақстандық экономист Ғалымжан Айтқазиннің (tg: @galmeister) жеке зерттеулерімен, талдауларымен танысып, экономика әлемінен өзекті тақырыптардан хабардар бола аласыз.
Ең бастысы, ештеңеге де 100% сенім артуға болмайтынын есте сақтаған жөн. Be wise and investing only your mind, dear viewer!
Discussion about this post