2023 ж. 1 қаңтарда 2018 жылдың 1 қаңтарынан кейін зейнеткерлікке шыққан зейнеткерлерге БЖЗҚ төлемі 5%-ке өсті, деп хабарлайды Qazaqpress Bizmedia.kz-ке сілтеме жасап.
БЖЗҚ мәліметінше, зейнетақы төлемдері Қазақстан Республикасы Үкіметінің қаулысымен бекітілген әдістемемен жүзеге асырылады.
Бұл әдістеме арқылы зейнетке шығып жатқан адамдарға төлемдер келесідей есептеледі: бірінші төлем жылында жинақған зейнетақы сомасы зейнетақы жинақтарының төлем мөлшерлемесіне – 6,5%-ке көбейтіліп, 12-ге бөлінеді.
Жеке санаттардағы адамдарға келер болсақ, мерзімсіз белгіленген 1 немесе 2 топтағы мүгедектер, сондай-ақ зиянды және қауіпті өндірістерде жұмыс істеген, жинақтары кемінде 60 ай бойы міндетті кәсіптік зейнетақы жарналары есебінен жиналған адамдар үшін ай сайынғы зейнетақы төлемінің мөлшерін арттырып отыратын түзету коэффициенттері қарастырылған. Жоғарыда аталған кез келген санатқа жататын тұлғаларға ең жоғары мөлшердегі түзету коэффициенті қолданылады.
Алайда, БЖЗҚ-дан ай сайынғы зейнетақы мөлшері ең төмен күнкөріс деңгейінің кемінде 70%-нен беріледі (2023 жылы ең төменгі күнкөріс деңгейі 40 567 теңгені құрады, яғни 28 396 тг. беріледі).
Тиісінше, жыл басынан бері БЖЗҚ-дан ең төменгі төлем мөлшері 8,5%-ке өсіп, 28 396 теңгені (70% * 40 567) құрады. Ал, алдағы уақытта ай сайынғы зейнетақы төлемінің мөлшері индекс көрсеткішіне көбейтіліп, – 5%-ке өсіп отыратын болады.
БЖЗҚ мәлімдемесі бойынша, егер республикалық бюджет туралы қабылданған заңға сай зейнетақы жинақтарының сомасы ең төменгі зейнетақының он екі еселенген мөлшерінен аспаса, онда бұл сома БЖЗҚ-дан бір уақытта төленетінін түсіндірді (2023 жылы біржолғы зейнетақы мөлшері 636 912 теңге = 12 * 53 076 теңге болады).
2018 ж. 1 қаңтарға дейін зейнетке шыққан және БЖЗҚ-дан зейнетақы төлемдерін алған қазақстандықтардың зейнетақы төлемдерін тағайындау кезінде бұрын қолданыста болған әдістеме бойынша есептеледі: жылдық зейнетақы төлемінің мөлшері есептеліп, ең төменгі зейнетақының отыз еселенген ең жоғары мөлшерінен аспайды (2023 жылы – 1 592 280 теңге = 30 * 53 076 теңге) және алушының тиісті жасындағы зейнетақы жинақтарының ағымдағы құнының коэффициенті бойынша зейнетақы жинақтары сомасының көбейтіндісі ретінде есептелген сомадан аспау керек.
Айта кетелік, БЖЗҚ-дан зейнетақы төлемдері жеке зейнетақы шотындағы жинағы таусылғанға дейін жүзеге асырылады.
Сіз жаңалықтар туралы не ойлайсыз