PPF Group бас атқарушы директоры Иржи Шмейц бұрынғы ресейлік «Home Credit & Finance Bank» жауапкершілігі шектеулі серіктестігіне тиесілі 25% акциясын сатып алу арқылы қазақстандық Home Credit Bank-гі үлесін ұлғайтты. Нәтижесінде оның қаржы институтындағы жалпы үлесі 34,7%-ке жетті, деп хабарлайды Qazaqpress Bizmedia.kz-ке сілтеме жасап.
Иржи Шмейц «Хоум Кредит Банкінің» 25% акциясын сатып алды
Қазақстанның қаржы нарығын реттеу және дамыту агенттігі Иржи Шмейцтің Home Credit Bank-гі үлесін арттыруын ресми түрде мақұлдады. Сонымен қатар, бүгінгі таңда қазақстандық «Home Credit Bank» акционерлерінің қатарында ресейлік акционерлер жоқ екені хабарланды.
Иржи Шмейц – жақында Home Credit Group-қа иелік ететін еуропалық көпұлтты инвестициялық қаржы конгломератының PPF бас директоры болып тағайындалған инновациялық бизнес көшбасшысы.
Бұл ірі ұйым 25 елде жақсы репутацияға ие және қаржы, телекоммуникация, медиа, биотехнология, жылжымайтын мүлік т.б. әртүрлі салаларды қаржыландыруда. 40 миллиард еуро активтері мен дүниежүзі бойынша 70 000 қызметкері бар PPF әлем экономикасындағы мықты ойыншылардың бірі болып есептеледі.
Сіз жаңалықтар туралы не ойлайсыз