24 қараша 2022, Алматы — 2022 жылдың қазан айынан бастап Алматы және Астана мектептерінде Білім берудегі жаңа технологиялар ғылыми-әдістемелік орталығының қолдауымен және «Нестле Қазақстан» жәрдемдесуімен бастауыш сынып оқушыларына арналған аспаздық байқау басталды.
Байқау Қазақстанда 2013 жылдан бастап іске асырылып келе жатқан және балаларда салауатты өмір салты негіздерін қалыптастыруға бағытталған «Салауатты тамақтану мектебі» білім беру бағдарламасының бір бөлігі болып табылады.
Байқаудың мақсаты — оқушылардың дәмді және пайдалы тағам дайындауға деген қызығушылығын қалыптастыру. Оның ұйымдастырушылары аспаздық дағдылар дұрыс тамақтану және салауатты өмір салты мәдениетінің маңызды құрамдас бөлігі екеніне сенімді. Бұл дағдылар балаларға өз денсаулығын күтуге, жақындарына қамқорлық жасауға, отбасылық дәстүрлерге ұқыпты қарауға көмектеседі.
Аспаздық байқау 2023 жылы атап өтілетін «Салауатты тамақтану мектебі» бағдарламасының 10 жылдығына орайластырылған.
Бірнеше ай бойы мектеп оқушылары мұғалімдермен және ата-аналармен бірге пайдалы тағамдарды дайындаудың құпияларын түсіндіретін аспазшылардың бейне сабақтарымен танысады. Жас аспаздар дәмді тамақтарды өз бетінше дайындап қана қоймайды, сонымен қатар бағдарламаның цифрлық платформасында тағамдардың фотосуреттерін орналастыра отырып, өз шығармашылығының нәтижелерін басқа қатысушылармен бөліседі. Байқау қорытындысы 2022 жылдың соңында шығарылады, ал ең танымал фотосуреттердің авторлары сыйлықтармен және дипломдармен марапатталады.
«Аспаздық сабақтары — пайдалы әдеттерді тәрбиелеудің өте тиімді құралы. Біздің зерттеулеріміз көрсеткендей, мұндай шеберлік сабақтарына қатысу балаларға тамақ дайындау негіздерін үйретіп қана қоймай, сонымен қатар пайдалы тағамдарды таңдауда олардың қалауын қалыптастыруға мүмкіндік береді. Біз бұл дағдылар олар үшін бүгін ғана емес, болашақ ересек өмірінде де пайдалы болатынына сенімдіміз. Өйткені, тамақ дайындауды білетін және жақсы көретін адам өз денсаулығына да, жақындарының денсаулығына да қамқорлық жасай алады», — деп түсіндірді «Нестле» білім беру бағдарламалары бөлімінің басшысы Александра Макеева.
«Салауатты тамақтану мектебі» бағдарламасы бойынша оқыту аясында мұғалімдер оқушылармен көптеген іс-шаралар ұйымдастырады, бірақ аспаздық байқау дәл осы форматта, балалар ата-аналарымен бірге аспазшылардан бейне сабақтарға тамақ дайындаған кезде алғаш рет өткізіледі. Оқыту әдіснамасы тұрғысынан бұл алынған материалды бекітудің тамаша тәсілі. Байқау өте креативті, ал ата – аналардың қатысуы бағдарламаның тек оқушыларға ғана емес, олардың айналасына да оң әсері мен жасампаз әсерін екі есе арттырады»,-деп түсіндірді Алматы қаласы Білім басқармасының Білім берудегі жаңа технологиялар қалалық ғылыми-әдістемелік орталығының бөлім бастығы Татьяна Ежова.
«Салауатты тамақтану мектебі» бағдарламасы туралы
«Салауатты тамақтану мектебі» қазақстандық бағдарламасы «Нестле. Дені сау балалар» жаһандық бастамасы аясында жүзеге асырылуда. Бастаманың мақсаты — 2030 жылға қарай дүние жүзіндегі 50 миллион балаға салауатты өмір салтын ұстануға көмектесу. «Салауатты тамақтану мектебі» 2013 жылдан бастап елордалық және алматылық мектептерде жұмыс істейді. Бағдарлама 6-8 жастағы балаларға бағытталған және мұғалімдер өткізетін сабақтар жүйесі арқылы жүзеге асырылады. Ол Қазақ тамақтану академиясымен және «Өрлеу БАҰО» АҚ филиалының Қазақстан Республикасы Білім беру жүйесінің басшы және ғылыми-педагогикалық қызметкерлерінің біліктілігін арттыру республикалық институтымен бірлесіп әзірленді. Қазақстанда іске асыру барысында «Салауатты тамақтану мектебімен» 60 000-ға жуық бала танысты.
Нестле компаниясы туралы
«Нестле» — әлемдегі ең ірі тамақ және сусын шығару жөніндегі компания. Компания әлемнің 186 елінде бизнес жүргізеді. Оның бүкіл әлем бойынша қызметкерлерінің саны шамамен 270 мың адамды құрайды және олардың барлығы «Нестле» мақсатын қолдайды — өнімдердің пайдасын аша отырып, біз әркімнің өмір сүру сапасын арттырамыз — бүгінгі және болашақ ұрпақ үшін. «Нестле» тек адамдардың ғана емес, сонымен қатар олардың сүйікті үй жануарларының өмірін жақсартуға арналған өнімдер мен қызметтердің кең ассортиментін ұсынады. Компанияның өнім желісіне 2 мыңнан астам брендтер кіреді — мысалы, аты аңызға айналған және бүкіл әлемге танымал Nescafé немесе Maggi-ден бастап Еуразия аймағында танымал «Быстров» және «Nesquik» брендтеріне дейін. Компания өз қызметінде тамақтану және салауатты өмір салтын терең сараптауға негізделген стратегияны басшылыққа алады. «Нестленің» штаб-пәтері 150 жылдан астам уақыт бұрын компанияның тарихы басталған Веве қаласында (Швейцария) орналасқан.
Сіз жаңалықтар туралы не ойлайсыз