Кейінгі тәулікте қанша адам коронавирус жұқтырғаны анықталды

Қазақстанда өткен тәулікте 42 адамда коронавирус індеті ПТР арқылы расталып ауырғаны белгілі болды, деп хабарлайды Qazaqpress COVID-19 бойынша ведомствоаралық комиссияға сілтеме жасап.

15 қарашадағы мәлімет бойынша, коронавирус инфекциясынан 728 адам (коронавирустан (КВИ+) 573 науқас және коронавирус пневмониясынан (КВИ-) 155 адам) емделуде. 89 пациент стационарда жатса, 639-ы амбулаториялық деңгейде ем қабылдауда.

КВИ+, КВИ- шалдыққандардың арасында:

— 8 адамның жағдайы ауыр;

— 2 пациенттің жағдайы өте ауыр;

— 2 науқас өкпені жасанды желдету аппаратына қосылған.