Қазақстан мұсылмандары діни басқармасы «егер адам жұма намазына кешігіп бара жатса, жол ережесін бұзуға бола ма?», – деген жиі қойылатын сұраққа жауап берді, деп хабарлайды Qazaqpress Bizmedia.kz-ке сілтеме жасап.
«Жұма намазына кешігіп бара жатсаңыз, ҚР жол қозғалысы ережелерін бұзуға не оған салғырт қарауға болады ма? Мешіттің тұрағында орын жеткіліксіз. Адамдардың айтуынша, көлікті заңға қайшы жерге, жолдың ортасына қоюға тура келеді, алайда бұл төтенше жағдай туғызып, жолаушылар мен жүргізушілер үшін қауіп төндіреді. Не маңыздырақ, намаз ба әлде Қазақстан Республикасының заңнамасы ма? Бұл жағдайда мұсылман не істеу керек? Бұл харам болып есептеледі ме?» – деген сұрақ қойды Ілияс.
ҚМДБ берген жауабына сүйенсек, әркім жол ережесіне бағынуға міндетті және жұма намазына кешігіп келу сылтау емес. Сондай-ақ, Құранның бір сүресіндегі сегізінші аятын мысалға келтіріп, «Аманат пен келісімді сақтағандар бақытты» деді олар.
Жүргізуші куәлігі бар және темір тұлпар айылын тізгіндеген мұсылман жол ережесін сақтауға міндетті және бұл үшін Алланың алдында жауап беретінін тағы ескертті ҚМДБ.
Намазға кешігу оқиғасы
Бір әйел жеке көзқарасына батып кеткені сонша, басқалардың өтуіне жол бермеу үшін көлігімен жолды жауып тастапты. Рухани басқармада өмірде болған оқиғаны прецедент ретінде қолдана отырып, жамағатқа әңгімелеп берген еді.
Жақында ҚМДБ-ның қызметкері «Орбита» мешітінің маңында жағымсыз оқиғаның куәгері болды. Жұма намазына келген апа фарз, сүннет, зікір оқуды күтіп отырған отбасының жолын өз көлігімен бөгеп тастапты.
Ең өкініштісі, мұсылман апамыз кешірім сұраудың орнына көлік тұрағында көрініс ұйымдастырып, оқиғаға тап болған жүргізушіге балағат сөздер айтып, діни парызын өтеп жатырмын деп айғайлап тұрғанын айтты ҚМДБ-да.
«Оқиға сырттан жағымсыз көрінді. Оның шығу жолын жауып, жүргізушіге айғайлағаны да ұят болды, біз бәріміз ұялдық», – деп жалғастырды әрі қарай.
Оған қоса ҚМДБ тағы бір кеңес беріп, уағызды әңгімесін қорытындылады:
«Пайғамбар (оған Аллаһтың игілігі мен сәлемі болсын) бізге мінез-құлқымыз адамдарды Ислам дініне тартатындай және оны теріске шығармайтындай болу керектігін үйретті. Алла бізге разы болу үшін басқаларға сыйластықпен, сыпайылықпен қарауымыз керектігін айтты. Біз әрқашан ислам дінінің өкілі екенімізді есте ұстауымыз керек, біздің әрбір іс-әрекетіміз бүкіл мұсылман қауымына әсерін тигізеді».
Сонымен қатар мешітке уақытылы келіп, басқаларға құрметпен қарау маңыздылығын да түсіндірді. Себебі, мешітке бару мұсылман сенімінің бір бөлігі екені және мінез-құлқымызда басқаларға ілтипат көріну тиіс екені айтылды. Абай атамыздың сөзімен қорытындыласақ, адамдардың бәрін сүй, бауырым деп.
Сіз жаңалықтар туралы не ойлайсыз