Жуырда Алматы қаласында Almaty Writing Residency атты жазушылар жиылысы өтті. Авторларға арналған ерекше форматтағы іс-шара АҚШ-тың Алматыдағы Бас консулдығы мен «Шеврон» компаниясының және «Әңгіме» әдеби журналының қолдауымен өтті.
Апталық аясында жазушылар резиденциясының қатысушылары балалар мен жасөспірімдер шығармашылығы мен көпмәдениеттілік мәселелерін талқылады, сондай-ақ жаңа дәуірдегі балалар әдебиетінің болашағына көз жүгіртті.
Қазақстандағы тұңғыш жазушылар резиденциясы 2021 жылы өткен болатын. 2022 жылы авторлар – шақырылған резиденттер, шығармашылық шеберлері мен қонақтар көпмәдениеттілікке, халықаралық тәжірибеге, балалар мен жасөспірімдер әдебиетіне, Қазақстандағы қазақ және орыс тілдеріндегі жұмыс тәжірибесіне қатысты мәселелерді талқылады. Конкурс іріктеуінен өткен әрбір автор резиденцияға қатыса алады. Іріктеу конкурсына белгілі прозаиктер және ақындармен қоса, шығармашылық жолына енді қадам басқандар да шақырылды.
Биылғы іріктеу қорытындысы бойынша резиденцияға ағылшын тілі пәнінің мұғалімі, поэзия және проза авторы Әйгерім Алтаева, проза авторы, оқытушы, шығармашылық курстарының тренері Светлана Познякова, «Мұң Ай», «Көкшіл көлеңке» атты жыр жинақтарының авторы және «Тәнсіз гүлдер» атты прозалық кітаптың авторы Нұрбек Нұржанұлы, поэзия мен проза авторы, әдебиеттанушы және аудармашы Орал Арукенова, жазушы, аудармашы, әдебиеттанушы Айнагүл Садықова және балалар мен жасөспірімдерге арналған прозаның авторы, журналист Әсет Сыздықов қатысады.
– Қазақстанда классикалық әдебиеттен бөлек, шетелдік баспаларды және шетелдік әдеби ортаны қызықтыратын заманауи әдебиеттер, заманауи авторлар бар, сондықтан меніңще, осы кең оқырмандар аудиториясына тартылғанымыз дұрыс болар. Ол үшін былтыр да, биыл да резиденциялар өткізіп, аударма мәселесіне үлкен көңіл бөліп отырмыз, – деді спикер.
Биылғы жылдың тақырыбы да кездейсоқ таңдалған жоқ деді ол: Юрий Серебрянский балалармен жұмыс істеу өте маңызды, өйткені олар тез өсіп, ұрпақтар буыны тез ауыса береді деп ойлайды.
– Қазақстан – көп мәдениетті мемлекет және ол туралы ең бірінші балалармен сөйлесіп, қарапайым және күрделі тақырыптарды қозғап отырғанымыз жөн. Әрине, бұған күллі әлемде үлкен көңіл бөлінеді, Айова университетінің жазушылық семинарының түлегі, «Періштенің ізі» және «Елестермен автопортрет» романдарының авторы, американдық жазушы Келли Дуайерді шақырған себебіміз де осы.
Жобаның өтуіне жауапты Валерия Крутова резиденция қазақ авторлары мен қазақ әдебиетіне арналған жоба екенін түртті.
– Мүмкіндігінше шығармашылық ортаға кіру үшін резиденция қатысушылары белгілі бір уақыт аралығында бір кеңістіктің аумағында өмір сүрді. Нәтижесінде қатысушылар мәтіндермен бірлесіп жұмыс істеу, әдеби және әдебиетке жақын тақырыптарды талқылау, шығармашылық кездесулер мен қоғамдық шаралар өткізу мүмкіндігіне ие болды, – деп қосты ол.
Айта кетелік, биыл жазушылар резиденциясының аясында Келли Дуайер мен қазақстандық баспалардың қатысуымен біршама кездесулер өтті. Сонымен қатар, американдық ақын Кристофер Меррилдің онлайн дәрісін еске салайық. Бүгінде оның жеті поэзия жинағы жарияланған, соның ішінде Америка Ақындар Академиясы сыйлығы – Питер И.Б.Лаван атындағы жас ақындар премиясына ие болған «Сигнальный огонь» шығармасын ерекше қарастыруға болады. Сондай-ақ, Кристофердің қаламынан сан алуан редакторлық жұмыстар мен аудармалар, және нон-фикшн жанрындағы алты кітабы туды.
Сіз жаңалықтар туралы не ойлайсыз