2022 ж. қаңтар-қыркүйек аралығында Қазақстанның негізгі капиталына игерілген инвестиция көлемі 9 859,7 млрд теңгені құрады, бұл өткен жылдың көрсеткіштерімен салыстырғанда 7%-ке артық, деп хабарлайды Qazaqpress Bizmedia.kz-ке сілтеме жасап.
Инвестиция көлемі бойынша ең көп қаржыланған салаларға өнеркәсіп – 49,7%, жылжымайтын мүлік операциялары – 20,9, сондай-ақ көлік және қойма шаруашылығы – 9,5% кіреді.
Инвестиция көлемі бойынша Қазақстанның аса көп қаржыланған үш өңір – Атырау облысы, Алматы және Астана. Атырау облысының қаржыландыру көрсеткіші ең жоғары деңгейде – жалпы инвестициялардың 21,9% бөлігін құрайды. Одан кейін өсу ретімен салыстырар болсақ 9,9%-пен Алматы және 8,8%-пен Астана тұр.
Білім, денсаулық сақтау, ақпарат және коммуникация, құрылыс салалары жиі қаржыландырылуда, ал бұл салалардың басым бөлігі Алматы мен Астанада. Мәселен, білім саласына салынған инвестицияның 28% Алматыға, ал денсаулық сақтау саласына салынған инвестицияның 25% Астанаға тиесілі болып тұр. Сонымен қатар, ақпарат және коммуникация саласына бөлінген тегіс инвестицияның жартысына жуығы (45%) Астанаға тиесілі, ал қаржыландыру нысандарының 29%-тін құрылыс саласы құрайды.
Сіз жаңалықтар туралы не ойлайсыз