№1 Шымкент қалалық клиникалық ауруханасының бас дәрігері, еліміздегі жетекші трансплантолог дәрігерлердің бірі Абылай Донбай Мемлекет басшысына қалалық денсаулық сақтау басқармасы тарапынан жасалып жатқан қысымға шағымданды, деп хабарлайды Qazaqpress Экспресске сілтеме жасап.
17 қазан күні таңертең әлеуметтік желілерде Абылай Донбайдың ел президентіне жасаған бейне үндеуі пайда болды. Бас дәрігердің айтуынша, стационардың соңғы екі ай бойы мазасын алған тексерістерінің кесірінен ол қалыпты жұмыс істеу мүмкіндігінен айырылған.
«Шымкент қалалық денсаулық сақтау басқармасының басшысы Нұрлыбек Асылбековтің тарапынан қудалау жүріп жатқанына екі ай болды. Екі ай бойы ота жасамай жүрмін, науқастарға кеңес бермеймін, өйткені жұмыс көңіл-күйі жоқ. Олар негізсіз шағымдар жасай береді. Солардың негізінде тексерулеп жүргізіледі. Екі айдың ішінде – әртүрлі мекемелерден 20-ға жуық тексеру комиссиясы келіп, ақыры ештеңе таппады», – деді Абылай Донбай.
Айта кетелік, А.Донбайдың Оңтүстік Қазақстан медицина академиясын бітіргеніне 18 жыл болды. Оның қолымен бүйрек ауыстыру бойынша 190 ота және бауыр ауыстыру бойынша 30-ға жуық ота жасалған. 2019 жылы ол донорлық дене мүшелерін заңсыз трансплантациялаумен айналысатын трансұлттық қылмыстық топқа қатысы бар деген күдікпен тергеуге алынды. Алайда, 2020 жылы Нұр-Сұлтанның қылмыстық істер жөніндегі мамандандырылған ауданаралық соты Абылай Донбайдың әрекеттерінен ешқандай қылмыстық іс таппай, толық ақтап шықты. Сөйтіп, ол бұрынғы Шымкенттегі 1-ші қалалық аурухананың бас дәрігері қызметіне қайта тағайындалып, күні бүгінге дейін қызмет етіп келеді.
«Денсаулық сақтау басқармасының басшысымен әңгіме болды, ол маған сөгіс, кейін қатаң сөгіс болатынын және жұмыстан босататынын ашық айтты… Мен әділдікке жетудің түрлі жолдарын іздедім, брифинг өткіздім және онда қандай жұмыстар атқарғанымды айттым. Мен де өз командама жүгіндім. Оларда ешқандай шағым жоқ. Көмек күтемін», – деп қосты Абылай Донбай.
Алайда ешкім де әділдік іздеп жүрген бас дәрігермен байланысқа шыға алмады. Мессенджерде қойылған сұрақтар жауапсыз қалды.
Бірақ аталған қысым көрсетушілер қалалық денсаулық сақтау басқармасында Донбайға денсаулық сақтау басқармасы да, оның басшысы да қысым көрсетпейді деп жауап берді. Ал, ауруханада жүргізіліп жатқан тексерістер аурухана басшылығына келіп түскен арыз-шағымдар мен БАҚ-ғы келеңсіз жарияланымдарға байланысты жүргізілуде.
«2022 ж. 8 айдың ішінде Шымкент қалалық денсаулық сақтау басқармасына №1 қалалық клиникалық ауруханаға қатысты ресми түрде 15 арыз түсіп, БАҚ-та 17 келеңсіз материал жарияланған. Сонымен қатар, 6 шағымы ресми түрде келіп түскен. Аурухана қызметкерлері бас дәрігердің заңсыз әрекеті туралы айтып, бөлім меңгерушісімен жеке кездесу кезінде аурухананың екі қызметкері де ұқсас мәселемен көмекке жүгінді», – деп хабарлады Шымкент қалалық денсаулық сақтау басқармасының баспасөз қызметі.
Қалалық денсаулық сақтау басқармасы тексеру инспекторларының стационар мен оның басшылығын жіті бақылап жүргенінің себебі осыдан екенін түсіндірді.
«Сонымен қатар, ауруханада жүргізілген тексерулердің қорытындысы бойынша бірқатар кемшіліктер анықталды. Атап айтқанда, медициналық көмектің сапасыздығы, бекітілген бағадан асатын дәрі-дәрмек пен медициналық мақсаттағы медқұрылғыларды сатып алу, дәрі-дәрмектерді сақтау үшін, сақтау бөлмелерінде температуралық көрсеткіштің және ылғалдылықтың тиісті түрде қамтамасыз етілмейтінін және т.б. фактілері анықталды», – деп толықтырды департаменттің баспасөз қызметі. Олар ауруханада тексерулер жалғасатынын түсіндірді.
ҚР Денсаулық сақтау министрлігі Абылай Донбайдың Мемлекет басшысына жасаған үндеуіне жауап беруге уәде берді.
Сіз жаңалықтар туралы не ойлайсыз