ҚР Еңбек және халықты әлеуметтік қорғау министрі Тамара Дүйсенова бүгінгі таңда Қазақстанда 22,5 мың ресейлік жұмыс істеп, зейнетақы салығын төлеп жүргенін және 8 мыңы 2022 жылдың басынан бері жұмыс істеп келе жатқанын мәлімдеді, деп хабарлайды Qazaqpress Bizmedia.kz-ке сілтеме жасап.
Бұл 2021 жылдың көрсеткішімен салыстырғанда шамамен 10 мың адамға аз.
Еңбек министрлігінің мәліметі бойынша, ресейліктердің 72% қызмет көрсету салаларында жұмыс істейді – бухгалтер, есеп менеджері, сатушы, жүргізуші және т.б. 16% өнеркәсіпте, 9% құрылыста, ал 2% ауыл шаруашылығында жұмыс істеуде.
Айта кетелік, бұл тек зейнетақы жарналарын төлейтін ресейліктерге қатысты деректер.
Қазақстанға қанша Ресей азаматы көшіп келді?
2022 жылдың басынан бері 7 мыңға жуық Ресей азаматы жұмыс бабымен Қазақстанға келген болатын, деп хабарлады ҚР Еңбек және халықты әлеуметтік қорғау министрлігі.
Алайда қазір бұл көрсеткіш 5300 адамды құрады. Сонымен қатар, 1 мың Ресей азаматы enbek.kz электронды еңбек биржасында өз түйіндемелерін орналастырыпты.
Дүйсенова ЕАЭО заңнамасына сәйкес, қауымдастыққа кіретін елдерде Ресей азаматтарына жұмыс істеу үшін рұқсат қажет емес екенін еске салды. РФ азаматтары қалауы бойынша Қазақстанда тіркелуге немесе тұруға рұқсат ала алады.
Сіз жаңалықтар туралы не ойлайсыз