Кино әртісі Жанар Айжанова алғаш рет Азиядағы ең беделді киносыйлыққа ұсынылды, деп хабарлайды Qazaqpress Экспресске сілтеме жасап.
Қазақстандық әртіс Жанар Айжанова 27-ші Пусан кинофестивалінде үздік әйел роліне үміткерлік ететін бестікке кірді.
Халықаралық Пусан кинофестивалі 5 қазанда басталып, 14 қазанға дейін жалғасады. 2022 жылы оған 71 елдің режиссерлері қатысып, 242 фильм көрсетеді. Ауқымды шара үш жылда бірінші рет офлайн түрде өтті.
Кинофестивальдің қазылар алқасы Жанар Айжанованың «Аппақ келін» телехикаясындағы өнерін жоғары бағалады. Танымал әнші өзге де 4 үміткермен қатар «Үздік әйел ролі» номинациясына қатысты.
Фестиваль қорытындысында 30 жастағы корей киножұлдызы Пак Ын Бин өзінің «Ерекше заңгер» драмасындағы ролі үшін бас жүлдеге ие болды.
«Мен кино саласында жүргеніме шамамен 10 жылдай уақыт өтті. 6-7 жылдың ішінде көзге түсіп, үздік актрисалардың қатарында боламын деп армандаған емеспін. Алдағы уақытта жас әртістер де менің жетістіктерімнен асып түсіп, жүлделі орындарды иеленулеріне тілектеспін», – деп бөлісті Жанар Айжанова
Халықаралық Пусандағы кинофестивалге тағы бір қазақ әйелі қатысуда. Фестиваль қонақтары Дарина Манапованың да қатысуымен фильмді тамашалайды.
Сіз жаңалықтар туралы не ойлайсыз