Екатеринбург қаласында химия пәнінен оқушыларға арналған Халықаралық Менделеев олимпиадасының жалауын Қазақстан өкілдеріне салтанатты түрде табыстау рәсімі өтті, деп хабарлайды Qazaqpress kzaif.kz-ке сілтеме жасап.
Сән салтанат ИННПРОМ-2022 халықаралық өнеркәсіптік көрмесі аясындағы отандық стендінде өтті.
«Қазақстан Менделеев олимпиадасын өткізетін төртінші мемлекет. Біз ұйымдастырушылар мен қатысушыларды елімізде тағы да қарсы алуға қуаныштымыз және Олимпиада әділ шығармашылық бәсекелестікте өту үшін бар күшімізді саламыз», – деді ҚР Индустрия және инфрақұрылымдық даму вице-министрі Марат Қарабаев.
1992 жылдан бері өткізіліп келе жатқан Менделеев олимпиадасы мектеп оқушыларының Бүкілодақтық химия олимпиадасының мұрагері және өзінің тарихи орнын әлі күнге дейін сақтауда – 2023 жылы Қазақстанда мектеп оқушыларының 57-ші байқауы өтеді. Турнирге Еуропаның, Азияның және Африканың 30-дан астам елінен мектеп оқушылары командалары қатысады.
Менделеев олимпиадасының ерекшелігі – жүйелік бағдарламаның және тапсырмалардың жоқтығында жатыр, осыған байланысты қатысушылар химияның әртүрлі салаларын жақсы білу керек. Әділ қазылар алқасында студент, аспирант және Менделеев олимпиадасының бұрыңғы жеңімпаздары болады.
2014 жылдан бастап Олимпиада әлемдегі ең ірі минералды тыңайтқыш өндірушілердің бірі EuroChem минералды-химиялық компаниясының қолдауымен өткізіліп келеді.
Компания жетекші жоғары оқу орындарына түскен Менделеев олимпиадасының жеңімпаздары мен жүлдегерлеріне өз кәсіпорындарында өндірістік және кәсіби тәжірибеден өтуге мүмкіндік береді.
«ЕвроХим» химия ғылымынан халықаралық мектеп олимпиадаларының деңгейін көтеруге көмектесіп келе жатқанына мақтанышымыз зор, өйткені болашақ осы дарынды балалардың қолында… – Біз өз кәсіпорындарымызда үнемі жаңа жоғары технологиялық жұмыс орындарын құрудамыз. Осындай ауқымды жобаларға қатысу Менделеев олимпиадасының жеңімпаздары мен лауреаттарына өз-өзін одан әрі дамытуға мүмкіндік береді», – деді салтанатты шарада «ЕвроХим» директорлар кеңесінің төрағасы Игорь Нечаев.
Менделеев Олимпиадасын қолдау «ЕвроХим» компаниясының білім беру саласындағы әлеуметтік бағдарламасының құрамдас бөлігі, бағдарлама компания жұмыс істейтін аймақтарда кәсіби мамандарды даярлаудың жаңа, заманауи жүйесін құруға бағытталған. Соңғы жылдары компания Жамбыл облысындағы 15-тен астам білім беру мекемесін қайта құру, күрделі жөндеу және жабдықтау жұмыстарын қаржыландырды. Жоба ішіне Тараз қаласындағы №1 орта мектептің қосымша ғимаратының құрылысы мен Қаратау қаласындағы №26 балалар мен жасөспірімдер спорт мектебіне арналған спорт залының құрылысы кірді және 14 миллион теңгеге химия сыныбы арнайы құрал-жабдықтармен қамтылған. Сонымен қатар, компанияның қаржыландыруымен Уәлиханов атындағы Жаңатас мектеп-интернатына, Қашқынбаев атындағы Байқодам ауылындағы мектептерге, жасөспірімдер үйлеріне және балабақшаларға күрделі жөндеу жұмыстары жүргізілді.
Discussion about this post