«ЛОТТЕ Рахат» АҚ жұмыс орнында зардап шеккен қызметкермен соттасқаны туралы ақпарат жалған деген ресми мәлімдеме жасады.
— Соңғы күндері БАҚ пен әлеуметтік желілерде 2021 жылдың желтоқсан айында біздің өндіріс орнында жазатайым оқиға орын алғаны, соның салдарынан кәсіпорын қызметкері Долгиева А. өндірістік жарақат алып, қолының бір бөлігін жоғалтқаны туралы ақпарат белсенді түрде таралуда. «…бұрынғы қызметкер алып компанияны сотқа беріп жатыр, бірақ компания моральдық шығынды өтеуден және жәбірленушіге протез сатып беруден бас тартады» деген жаңалық тарап жатыр. Осыған байланысты, бұл ақпараттың шындыққа сәйкес келмейтінін, біржақты берілгенін және істің шынайы жағдайын көрсетпейтінін мәлімдейміз.
Біз «ЛОТТЕ Рахат» АҚ Долгиева А. алдындағы өз міндетімізді орындаудан жалтармағанымызды және жауапкершіліктен қашпайтынымызды айтқымыз келеді. Біздің үстімізден ешқандай талап-арыз түскен жоқ, сондықтан А.Долгиева Компаниямен соттасып жатқан жоқ. Сонымен қатар, Аза компанияның қызметкері, ал компания оның жұмыс орнын сақтап қойды. Жарақат алған сәттен бастап оған еңбекке жарамсыздық құжаты бойынша компенсациясы орташа жалақыдан 100% көлемінде толық өтелді. Сонымен қатар, ұжымдық шартқа сәйкес алғашқы қажеттіліктеріне 1 000 000 теңге қаржылай материалдық көмек көрсетілді. А.Долгиева жұмысқа кірісе салысымен оған бұрынғы лауазымынан төмен емес жалақысы бар, еңбек жағдайы жеңілдетілген қызмет түрі ұсынылады. Сонымен қатар, ол ай сайынғы сақтандыру төлемдерін алып отыратын болады, оның нақты мөлшерін сақтандыру компаниясы белгілейді. Соның мөлшеріне қарай компания тәжірибе мен дәстүрге сәйкес өз қызметкеріне қосымша сыйақы түрлерін қарастырады.
Бірақ, қазіргі уақытта біз акционерлік қоғам ретінде заң аясында әрекет етуге міндеттіміз.
Жазатайым оқиғалар кезінде қызметкерлердің құқықтарын қорғау мақсатында «ЛОТТЕ Рахат» АҚ жыл сайын міндетті сақтандыру келісім-шартын жасасып отырады. Сақтандыру шартының талаптарын орындау мақсатында, заңнамада белгіленген тәртіппен «ЛОТТЕ Рахат» АҚ жазатайым оқиға салдарынан сақтандыру басталғалы залалды өтеу үшін сақтандыру компаниясына құжаттардың толық пакетін тапсырды. Ал, өтемақының толық құны алдағы уақытта анықталады.
Қайталап айтамыз, біздің компания баспасөзбен қарым-қатынаста ашықтық саясатын ұстанады, біз қашан да сыни пікірлерді тыңдап, диалог құруға дайынбыз.
Қорытындылай келе, компания өзінің іскерлік беделін қорғау шараларын қолданатынын, ал жала жабушылар мен жалған ақпаратты таратушылар жауапкершілікке тартылатынын айтқымыз келеді.
Сіз жаңалықтар туралы не ойлайсыз