Сауалнамаға қатысқандардың басым бөлігі биыл жазғы демалыста шетелге шығуды жоспарламайды, өйткені мүмкіндігі жоқ. Тек кейбіреулері жазғы демалысын елден тыс жерде өткізетінін айтты, деп хабарлайды Qazaqpress Bizmedia.kz-ке сілтеме жасап.
Жазғы демалыс
- Респонденттердің 40% қаржы жетіспеушілігінің кесірінен жазғы демалыстарын жоспарлаған жоқ,
- 30% – елде өткізеді,
- 10% – қала сыртында,
- және тек 20% – шетелге шығуды жоспарлап отыр.
Жиі таңдалатын бағыттар
Сауалнама нәтижесі бойынша, респонденттердің көбісі жазғы демалысынТүркия, Ресей, Египет және Еуропада өткізуді жоспарлап отыр. Ал, ішкі туризмде жиі Алакөлге баратыны анықталды.
- Түркия: 37%
- Ресей: 7%
- Египет: 6%
- Еуропа: 6%
Орта деңгейлі қазақстандық отбасы шамамен екі-төрт адамнан тұрады делік, және шетелде демалып қайту үшін отандастарымыз орта есеппен бір миллион теңгеден асырмай шығындалуға тырысады, ал ел ішінде 300 мың теңгеден асырмай шығындалуға дайын.
Осы жазда шетелге саяхаттауды жоспарламаған адамдардың басым бөлігі оның орнына табиғатқа шығуды немесе кемпингке баруды ойлап жүргенін айтты.
Жазғы демалысқа қалай ақша жинауға болады?
Әуелі қанша ақша үнемдеу керек екенін есептеген жөн
1 000 000 теңге үнемдеу үшін, бір жыл бойы ай сайын 83 000 теңгеден жинап жүру керек.
Мақсатыңызды анықтап, белгіленген соманы қанша ай немесе жыл ішінде жинай алатыныңызды жоспарлаңыз
Мақсатыңызды анықтаңыз! Өзіңізге керекті соманы қанша ай немесе жыл ішінде жинап үлгересіз? Мәселен, 36 айда 1 000 000 теңге жинау үшін, айына шамамен 28 000 теңгеден депозитке салып отыру керек.
Бюджет құрып, жасаған жоспарыңызды ұстаныңыз
Егер сіз мұндай соманы үнемдей алмасаңыз, ақшаны ұзақ уақыт сақтауға тура келеді немесе ақша жинаудың өзге әдістерін ойластырған дұрыс. Тіпті болмай бара жатса несие де алуға болады. Бірақ, содан кейін банкке процентпен қайтарудың оң және теріс жақтарын таразылау қажет.
Ақшаны инвестицияға жұмсаңыз
Ақшаны инвестициялау – қаражат көбейтудің тамаша тәсілі. Бірақ, инвестиция жасамас бұрын, қаражатыңызды салайын деп отырған саланы, объектті зерттеп алған жөн және тек өзіңізге сай келетін дүниеге инвестиция құйыңыз.
Бос шығындарды анықтап алыңыз
Ақшаны үнемдеудің тағы бір жақсы жолы – қажетсіз шығындарды анықтап, азайту. Бұған сыртта тамақтану, қажет емес заттарды сатып алу не ойын-сауыққа тым көп ақша жұмсау сияқты нәрселер кіреді. Күнделікті әдеттеріңізге баға беріп, керек емес шығындарды азайту жолдарын табу болашақта қомақты қаражатты үнемдеуге көмектесу мүмкін.
Кездейсоқ жұмыс жасап немесе қолданылмаған заттарды сату арқылы қосымша ақша табыңыз
Егер сіз одан да көп ақша жинағыңыз келсе, балама табыс көздерін іздеген абзал. Қандай дағдыларды монетизациялауға болатынын ойлап көріңіз. Бұл да ақша табудың тамаша тәсілі болу мүмкін.
Қорытынды
Өзіңізне не балаларыңызға су жағасында демалу денсаулыққа пайдалы және қайда барсаңыз да маңызды емес. Мейілі, көл жағасына, мейілі, теңіз жағасына барыңыз.
Сіз жаңалықтар туралы не ойлайсыз