Нұр-Сұлтан қаласы сотының төрағасы Тілектес Барпибаев қызметінен босатылды. Желіде Елбасының тиісті жарлығы пайда болды, деп хабарлайды Qazaqpress Tengrinews-қа сілтеме жасап.
«Қазақстан Республикасы Конституциясының 82-бабының 2-тармағына, 6-бабының 1-тармағына, 31-бабының 2, 8-тармақтарына, оның ішінде 1), 2), 5), 7), 8), 10) тармақшаларына сәйкес, Қазақстан Республикасы Конституциясының 2006 жылғы 12 желтоқсандағы № 113 қаулысына өзгерістер енгізу туралы … , 11), 12) «Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңының 34-бабының 1-тармағының, 3-тармағының 2) тармақшасының және 4, 5-тармақтарына сай Нұр-Сұлтан қаласы сотының төрағасы Тілектес Ешеұлы қызметінен кетуіне байланысты қызметінен босату туралы шешім қабылдансын, – делінген қаулыда.
Бұны Нұр-Сұлтан қалалық сотының баспасөз қызметі де растады.
Бұған дейін Нұр-Сұлтан қаласының сыбайлас жемқорлыққа қарсы қызметі Жоғарғы соттың ішкі қауіпсіздік басқармасымен бірлесіп Барпибаевты тексеріп жатқаны белгілі болған. Бұған желідегі Барпибаевтың 2020 жылдың наурыз айында Германияға жеке ұшағымен ұшқан кезінде коронавирус жұқтырғаны туралы ақпарат себеп болған. Нұр-Сұлтан қаласы сотының баспасөз қызметі Барпибаевтың демалыста болғанын хабарлады. Кейін, ол өзінің құдасы, ірі кәсіпкермен бірге ұшқаны анықталды.
Барпибаев астаналық сот төрағасы қызметін 2013 жылдың желтоқсанынан бері атқарды. Ал, бұдан ерте Алматы облыстық сотының және Алматы сотының, Оңтүстік Қазақстан облыстық сотының және Алматы қалалық сотының азаматтық істер жөніндегі алқасының төрағасы қызметтерін атқарған. Сондай-ақ, бірнеше жыл Алматы облысының ішкі істер департаментінде түрлі қызметтер атқарған.
Сіз жаңалықтар туралы не ойлайсыз