20 мамырда Л.Н.Гумилев атындағы ЕҰУ-де Alumni day атты түлектермен кездесу өтті, деп хабарлайды Qazaqpress.
Іс-шараны бастау сөзі әлеуметтік-мәдени даму жөніндегі проректор Дихан Қамзабекұлына берілді. Ол Жаңа Қазақстанның қалыптасу жолы мен жетістіктерін тілге тиек ете отырып, жаңа Қазақстанның жас мамандары да жаңашылдыққа ұмтылу керектігін айтты.
Іс-шара ОЗҒ-ның акт залында басталды және универдің түлектері мен құрылтайшылары қатысты. ЕҰУ-дің мерейтойына келген түлектер іші сол қалпы қалғанына таң қалып, тамсана еске алды. Көрермендер арасында әңгіме барысында профессор, аға оқытушылар жылда түлек болып шығатын студенттердің есімдерін жаттай алмаса да жетістікке жеткен студенттерінің жүздерін бірден есіне түсіре алатынын түрткен болатын, ал биылғы түлектер мен студенттер өзара тәжірибемен, жылы сөзбен алмасты.
Жастар ісі жөніндегі комитетінің бұрыңғы мүшелері 10 жылдан кейін 20 мамырда ЕҰУ-ді туған күнімен құттықтауға келіп, студенттер мен болашақ түлектерді шабыттандырып жібергенде студенттер оларды ду қол шапалақпен, жылы лебізбен қарсы алды.
Сонымен қатар Стратегиялық даму жөніндегі проректор Думан Рамазанұлы болашақ түлектерге жылы ілтипатын білдіріп, «Tulek» шеберлік мектебі жобасы аясындағы жұмыс нәтижесі сияқты ЕҰУ-дің жетістіктерін жіктеп, жуырда жаңа кампус салу тәрізді университеттің болашақ жоспарларымен бөлісті.
Динара Мұсабалина, ENU Endowment Fund университет қорының директоры студенттерді көптеген бастамаларымен таныстырып, қор студенттердің ғана емес, бүкіл «Еуразиялық» қауымдастықтың жобаларын қолдайтынын айтты. Қор құрылтайшылары Еуразия Ұлттық университетінің түлектері:
Инютин Дмитрий;
Теленчинов Рамиль;
Несен Игорь;
Сүлеймен Арманов;
Қажғалиев Мұрат.
«Студентсің бе, түлексің бе мейілі, қоғамдастығымызды нығайтуға көмектесетін қызықты жобаң болса, қуана-қуана қолдауға дайынбыз» делінген endowmentenu.kz ресми сайтында.
Сахнада «E-Studio» вокал студиясының әншілері мен «Нұр», «Күлтегін», «Вне закона» сынды әзіл әлемінің қырандары өнер көрсетті, ал кеш соңында фуршет ұсынылып, VIA group вокалдық тобының керемет концерттік қойылымымен аяқталды.
Сіз жаңалықтар туралы не ойлайсыз