Алматы қаласында айуандықпен өлтірілген атақты дәрігер Юрий Шумковтың ісі тергелуде, деп хабарлайды Qazaqpress Экспресске сілтеме жасап.
Қайғылы оқиға Алматының Бостандық ауданындағы автотұрақта орын алды. Одан бөлек, марқұм осы маңда тұратыны белгілі болды және соңғы екі жыл бойы көлігін осы тұрақта қалдырып отырғанын айтты вахта күзетшісі Садықжан Юлдашев.
«Мен таңғы сағат сегізде ауысымға шықтым. Таңертеңгі тоғызға таяп қалғанда қызметтік итті тамақтандыруға бардым. Қайтып келсем: мылтық ұстаған бір жігіт тұрақтан жүгіріп шығып, жолда күтіп тұрған бір көк көлікке секіріп, мініп кетті», – деді күзетші.
Сол кезде қасынан өтіп бара жатқан әйелдер құрбанның мәйітін көріп, шошына айғайлай бастады.
«Олар ер адамды атып кетті деп айқайлап тұрды. Мен тұраққа кірген кезде мәйітті көрдім. Қарасам, әлі дірілдеп тұр екен. Оның бүкіл беті қанға боялған … Мен екі рет атылған оқтың дыбысын естідім. Екіншісі, шамасы, бетіне атылған-ау. Қарауға қорқынышты болды. Бәрі де үрейленді. Полиция жедел жәрдем шақырды», – деп еске алады күзетші.
Сонымен қатар қылмыстық оқиғаның куәгерлері болған жолаушылар оқиғаның белгісіз тұстарын толықтырды.
«Марқұм автотұраққа кіріп, көлігінің руліне отырып үлгерді. Оқ атқан адам оны көліктің артында күзетіп тұрды. Дәрігердің көлікке отырғанын көріп, бүйірден жақындап, оқ атқан. Содан кейін мерген көліктің артына қайта оралды. Дәрігер бірінші оқтан кейін өлген жоқ. Ол аман қалды. Көліктен түсіп, тұрақтан шығатын жерге қарай қыбырлай бастады. Ал оқ атқан адам жәбірленушінің артынан жақындап, оны айналдырып, бетіне оқ жаудырды. Арасы бірнеше сантиметр ғана болды. Дәрігер жерге құлап түсті. Ал, атушы сабырлы түрде күзет кабинасын тексеруге кетті. Бақытымызға орай, бұл кезде күзетші болмаған. Сосын оқ атқан адам жайбарақат тұрақтан шығып, жол бойында оны күтіп тұрған көлікке қарай жүре берді. Оқ атқан адам өте сабырлы адамдай көрінді, кісі өлтіру құдды бір таңертең кофе ішкендей сияқты оған. Марқұмның денесін көрдім. Оның көзінен төмен беті мүлде жоқ. Оған тіке оқ атылған. Өте қорқынышты өлім», – деп әңгімелеп берді жолаушылар.
Оған қоса qumash_kz telegram-арнасында автотұрақтағы бақылау камераларына түскен видео пайда болды. Кадрлардан мылтық ұстаған адам шынымен марқұмның бетіне оқ атқанын байқауға болады.
Марқұм – Алматыдағы белгілі гастроэнтеролог Юрий Шумков. Алдын ала жасалған болжам бойынша, оған наразы болған науқастардың бірі оқ атқан. Бірақ полиция оқ атқанның себебі әлі де тексеріліп, анықталып жатқанын айтты.
Discussion about this post