Бибігүл Асылова білім және ғылым вице-министрі қызметінен босатылды

Бибігүл Асылова білім және ғылым вице-министрі қызметінен босатылды, деп хабарлайды Qazaqpress ҚР премьер-министрінің баспасөз қызметіне сілтеме жасап.

— ​​Қазақстан Республикасы Үкіметінің қаулысы бойынша, Бибігүл Амангелдіқызы Асылова берген өтінішіне сәйкес Қазақстан Республикасының білім және ғылым вице-министрі қызметінен босатылды, — делінген хабарламада.

Айта кетсек, 2016 жылғы маусымнан бастап қазіргі уақытқа дейін ҚР білім және ғылым вице-министрі қызметін атқарған.