22-23 ақпанда бозбалалар мен қыздар арасында баскетболдан ҚР Қысқы Чемпионаты өтті, деп хабарлайды Qazaqpress.
Аталған чемпионатқа Parimatch Foundation халықаралық қайырымдылық қорының демеушілігімен №4 балалар үйінің командалары да қатысуға мүмкіндік алды.
Parimatch Foundation қорының «Спорт тәлімгері» бағдарламасы аясындағы жұмысы алғашқы нәтижесін беруде. 2021 жылдың қараша айында бағдарлама шеңберінде Шымкент қаласының №4 балалар үйінде футбол және баскетбол секциялары ашылған еді. Қор білікті жаттықтырушылардың жұмысына, жаңа киім-кешек пен спорттық құрал-жабдықтарға 3 млн теңге бөлді. Балалар үйінің тәрбиеленушілері жаттығуға зор құлшыныспен кірісіп, өткен аптада Республикалық чемпионатта өз қабілеттерін көрсете білді.
Қордың Қазақстандағы ресми өкілі – Виктория Андреева: «Біз балалардың баскетболда жинақтаған тәжірибесін байқадық және үлкен чемпионатқа қатысу арқылы бойларына сенім ұялағанын көріп қуандық. Жалпы жақсы өнер көрсетті деп ойлаймын! Келесі жолы олар жеңіс үшін келетіні анық, ал біз қолдаудан жалықпаспыз», — деп мәлімдеді.
Parimatch Foundation үш команданың жарнасын, жолын және ыстық тамағын төлеп, осы бастаманы қолдады. Сонымен қатар, қатысушыларға өздерін нағыз спортшы ретінде сезіну үшін жаңа форма берілді. Олармен бірге спорт шебері, ҚР Ұлттық категориясының төрешісі және баскетболда көптеген марапатқа ие болған, тәжірибелі тәлімгер, жаттықтырушы Данил Серединский де келді.
Жастар чемпионатының жетекшісі Иван Гайна: «Жеткіншектер Балалар мен жасөспірімдер мектептерінен құралған кәсіби командалар арасындағы Қазақстан чемпионатында өнер көрсетті. Қазір олар деңгейі жағынан қарсыластарынан сәл төмен болғанымен, алардың асуы алда. Бір күні олар да көшбасшылар қатарына қосылатынына сенімдімін. Parimatch Foundation қорына жастардың ойын деңгейі мен бар мүмкіндіктерін көрсету бағытындағы талпынысын қолдағаны үшін алғысымды айтқым келеді. Қор алдағы уақытта да қиын жағдайда қалған балалардың қоғамда және спортта өз орнын табуға ат салысатынына сенемін», — деп өз ойын білдірді.
Чемпионат жақсы нәтижемен аяқталды: «Спорт тәлімгерінің» тәрбиеленушілері белсенді қатысқаны және талпынысы үшін ҚР Ұлттық баскетбол федерациясы тарапынан марапатталды.
Parimatch Foundation — 2019 жылы құрылған халықаралық қайырымдылық қоры. Қордың міндеті — балаларға спортпен шұғылдануға және оқуға тең мүмкіндіктер бере отырып, қоғамның денсаулығы мен әл-ауқатын жақсарту.
Сіз жаңалықтар туралы не ойлайсыз