«Нұр Отан» партиясының кезектен тыс XXII съезінде Мемлекет басшысы Қасым-Жомарт Тоқаев «Нұр Отан» партиясының атын өзгерту туралы ұсынысты қолдады, деп хабарлайды Qazaqpress Nur.kz-ке сілтеме жасап.
Бұл ұсынысты партияның кезектен тыс съезінде Мәжіліс төрағасы Ерлан Қошанов ұсынған болатын және Мемлекет басшысы бұл ұсынысты қолдайтынын айтты.
«Тұңғыш Президент құрған «Nur Otan» партиясы мемлекеттік құрылыста маңызды рoл атқарды. Ол Қазақстанды нығайту міндеттерін жүзеге асыру үшін қоғамды біріктірді. Болашақ туралы айтқанда, оның өткендегі жасаған еңбектерін ұмытпаған жөн.
Алайда уақыт бір орнында тұрмайды. Жаңа міндеттер мен жаңа саяси және экономикалық өзгерістерге бейімделуіміз керек, әйтпесе тоқырау болып, тақырға отырып қаламыз. Сөйтіп, біз «Аманат» атауына тоқтадық.
«Аманат» қазақ тілінен аударғанда ата-баба мұрасы, ұрпаққа аманат деген мағынаны білдіреді. Сондықтан партияның«Аманат» деп аталуын ресми түрде қолдаймын. (…)
Партияның ребрендингі – бұл оның атын өзгертіп, маңдайындағы тақтасын ауыстыру ғана емес. Ең алдымен, партияның барлық жұмысын қайта құру керек. Мен бүгін партияны өзгерту туралы ұсынысты қолдаймын», – деді президент.
Сіз жаңалықтар туралы не ойлайсыз