Украина Сыртқы істер министрлігі Ресей жаппай басып кіру операциясын бастағанын хабарлады

Ресей Украинаға жаппай басып кіріп келді, деп хабарлайды Qazaqpress Tengrinews.kz-ке сілтеме жасап.

Бұл туралы Twitter-де Украина Сыртқы істер министрлігінің басшысы Дмитрий Кулеба хабарлады.

«Путин енді ғана Украинаға жаппай басып кіруді бастады. Украинаның бейбіт қалаларына шабуылдар жалғасуда. Бұл жаулап алуға бағытталған соғыс», – делінген хабарламада.

Кулеба Украинаның қауіпсіздік күшіне сеніп, жеңеді деп уәде берді.

«Әлем Путинді тоқтата алады және тоқтатуы керек. Украина өзін қорғап, жеңіске жетеді. Әрекет ету уақыты келді», – делінген хабарламада.

Бұған дейін Ресей президенті Владимир Путин Донбасста арнайы әскери операция жүргізілетінін мәлімдеген болатын. Сонымен қатар, Ресейдің жоспарына Украинаны жаулап алу кірмейтінін айтты.