ҚР Премьер-Министрінің бірінші орынбасары Роман Скляр қалдықты қайта өңдеу құны төмендегенін айтты және жаңа орнатылған бағалары туралы хабарлады, деп хабарлайды Qazaqpress.
Алдымен Скляр отандық автоөндірушілерді қолдау керектігін атап өтті. Бірақ көбісі сол сәтте қалдықты қайта өңдеудің нарықтағы бағасы әлі айтарлықтай өзгермеуі мүмкін деген пікірді алға тартты.
Сондай-ақ, ол «РОП Операторының» төлемақысына тоқталды. Оның айтуынша, 220 млрд теңге азаматтарымыздың игілігіне жұмсалуы тиіс. Бұл қаражат қалай жұмсалатынын Скляр нақтылаған жоқ.
Көлік пен ауыл шаруашылығы техникасын қайта өңдеу ақысы 50%-ке дейін төмендейді.
Сонымен қатар РОП қысқа мерзімде жиналған 200 миллиард теңгенің қайда бағытталатынын да жариялады.
Жеңілдікпен берілетін автонесиеге 100 млрд теңге бөлінеді.
Жылдық алымы 4% және бастапқы жарнасы 0 тиын. Ал берілетін мерзімі 7 жыл.
30 миллиард теңге автобус паркін жаңартуға бағытталады.
М1/G жеңіл көліктері
Қозғалтқыш көлемі / Алғашқы салым / Коэффициент / Жалпы бағасы
1000см² дейін – 25 АЕК 3 229 725 тг.
1001см²-2000см² дейін, 25 АЕК 7 536 025 тг.
2001см²-3000см² дейін, 25 АЕК 10 765 750 тг.
3001см² жоғары, 25 АЕК 23 1 761 225 тг.
Автомобильдерді қайта өңдеу сомасының кестесі.
Алғашқы мөлшерлеме – 25 АЕК
2022 жылда – 3063 теңге.
Вице-премьер Роман Скляр қалдықтарды қайта өңдеу қызметінің ақысын жою туралы ұсыныстар шетелдік техниканы импорттаушылар үшін тиімді екенін айтты. Оның айтуынша, қалдықтарды қайта өңдеу ақысы шетелдік автоөнеркәсіптерді «тамақтандырмай», ішкі нарықты қорғау үшін қажет.
Қазақстанда қайта өңдеу төлемдерін есептеу үшін, 50 АЕК-ке жуық мөлшерлемесіне сүйеніп, автокөліктің түрі мен санатына және қозғалтқыш көлемінің коэффициентіне қарай көбейтіп, шығарады.
РОП операторынан «Жасыл Дамуға» аударылған қаражаттан 100 млрд. теңгесі жеңілдетілген автонесие ұсыну қызметіне аударылады. Жылдық алымы 4% және бастапқы жарнасы 0 тиын. Ал берілетін мерзімін 7 жыл деп бекітті. Сонымен қатар 30 миллиард теңге автобус паркін жаңартуға бағытталады.
Еске сала кетелік, қаңтар айының басында Қасым-Жомарт Тоқаев қалдықтарды өңдеуге жинау тарифтерін қайта қарастыруды тапсырған болатын. Онымен қоса, «РОП Операторы» өз өкілеттігін «Жасыл Даму» компаниясына тапсырды.
8 ақпанда Әлихан Смайылов қалдықтарды қайта өңдеу ақысының төмендейтінін ресми түрде хабарлады. Көп ұзамай Премьер-Министр көліктер мен ауыл шаруашылығы техникаларының да қайта өңдеуден өткізу төлемақысы айтарлықтай төмендейтінін айтты.
«Ластандырушы заттардың таралуын азайтуға, қалдықтарды және су ресурстарын басқару жүйесін жақсартуға, көлдерді қалпына келтіруге бағытталған шаралар жалғасады. Көлік құралдары мен ауылшаруашылық техникаларын қайта өңдеу үшін, алым құнын төмендету ұсынысы қарастырылуда», – деді Смайылов.
Сонымен қатар, Қазақстанда көптеген автокөлік иелері бірнеше жылдан бері қайта өңдеудің ақысын төмендетуді талап етіп келе жатыр. Өйткені, олардың пікірінше, көпшілік үшін бұл тым үлкен сома. Алайда оған қарамастан барлығы елімізде онсыз да сирек кездесетін сапалы көліктерді жүргізгісі келеді.
Екінші жағынан, адамдар көлік бағасын төмендету үшін, қалдықты өңдеу ақысын азайтуды сұрап отыр. Көбісі бұл нарықты қалыпқа келтіріп, көліктердің құны қолжетімді болады деп үміттенеді. Бірақ бұл екіталай.
Қалдықты қайта өңдеу қызметі деген не?
Қысқаша айтқанда, бұл болашақта мемлекет ақшаны көлікті утилизациялауға жұмсау үшін, бір рет төленетін салық. Төлем көлік елге кіргізіліп, тіркеуден өтер алдын жасалады. Оны өндіруші де, импорттаушы да, қарапайым халық та төлеуге міндетті.
Кабельді қайта өңдеу үшін салық салынбайды
Кабель және сым өнімдерін кәдеге жарату үшін салық салынбайды, деп хабарлады Экология, геология және табиғи ресурстар министрі Серікқали Брекешев.
Оның айтуынша, Экология министрлігінде қалдықтарды жинау құнының нормаларын өзгерту бойынша жұмыс тобының бірнеше отырысы өтіп, осындай шешім қабылданған.
«Бүгінгі таңда кабельдік және сым өнімдеріне қатысты шешім қабылданып, қайта өңдеу үшін салық салынбайтын болды. Басында біз кабель және сым өнімдерін қайта өңдеп, кәдеге жарату үшін, баға орнату мерзімін жай ғана 2023 жылдың қаңтарына дейін шегеруді жоспарлаған болатынбыз, бірақ енді кабель және сым өнімдерін қайта өңдеу үшін, салық ақысы нөлдік мөлшерлемеге ие болады, яғни кабель және сым өнімдерін қайта өңдеуге беру үшін, бұдан былай салық төлеудің қажеті жоқ», – деді Серікқали Брекешев Мәжіліс отырысында.
«Жасыл Даму» – қалдықты қайта өңдеумен айналысатын жаңа компания туралы не білеміз?
«РОП операторы» қайта өңдеу қызметінен жиналған активтерінен айырылды. Қазір онымен «Жасыл даму» серіктестігі айналысуда. Компания туралы не белгілі?
Айта кетелік, «Жасыл даму» акционерлік қоғамының жеке zhasyldamu.kz сайты бар. Дегенмен, арнайы рұқсаты болмаса, әзірге сайт пайдаланушыларға қолжетімсіз.
Веб-сайтта көрсетілген мәліметінше, компания Экология, геология және табиғи ресурстар министрлігінің Экологиялық реттеу және бақылау комитетіне қарасты екен.
«Жасыл даму» АҚ-ның негізгі мақсаты – қоршаған ортаны сақтап, қалпына келтіруге және өмір сүруді жақсартуға жағдай жасау. Компанияның мақсаттары:
- менеджмент жүйесін әзірлеу мен қалдықтардың барлық түрлерін басқару және жою бойынша тікелей жұмысын жасау;
- Қазақстанда булы газдың таралуын реттеу мен саудалау жүйесін құру және бірқалыпты жұмыс істеу арқылы қауіпті булы газ мөлшерін азайту.
Компанияның сайтында және контрагенттерді тексеру қызметінің «Бухгалтерлік есеп» ақпараты бойынша АҚ бас директоры Азамат Әлімбаев екен. Сонымен қатар ол Экология, геология және табиғи ресурстар вице-министрі Ахметжан Пірімқұловпен бірге директорлар кеңесінің мүшесі.
Әлімбаевтың ұстанымын Экология министрлігі растап, ол компанияны 2019 жылдың ақпан айында басқарғанын қоса айтты. Сондай-ақ олар «Жасыл даму» қоры 1951 жылдан бері келе жатқан Қазақ экология және климат ғылыми-зерттеу институтынан бастау алып, 2012 жылы Қоршаған ортаны қорғау министрлігіне қарасты болып, жаңадан өзгертілгенін мәлімдеді.
pk.uchet.kz ақпаратына сай, компания 2013 жылдың 29 наурызында шағын кәсіпкерлік нысаны ретінде тіркелген, бірақ 2002 жылдан бері мемлекеттік сатып алудың қатысушысына айналды.
Ең көп салық шегерімдері 2016 және 2021 жылдары болған – осы жылдары компания 59 млн теңге салық төлеген. Ең аз төленген салық 2012 жылға сәйкес келеді, ал акционерлік қоғам ретінде тіркелгенге дейін – жылына небәрі 30 756 теңге салық төлеп отырған.
Қазіргі таңда кәсіпорынның салықтық берешегі бар, бірақ шағын, – небәрі 4609 теңге. Жыл басынан бері кәсіпорын 10,3 млн теңге салық төлепті.
Серіктестік басшысы Әлімбаев Азамат Баймурзинұлы туралы ашық ақпарат көздерінен оның 1978 жылы туғаны белгілі. Байтұрсынов атындағы Қостанай мемлекеттік университетін «құқықтану» мамандығы бойынша және Қостанай әлеуметтік-техникалық университетін «қаржы» мамандығы бойынша бітірген.
Қостанай қаласы әкімдігінде құқықтық мәселелер бойынша, кейін Оңтүстік Қазақстан (қазіргі Түркістан) облысы әкімдігінде мемлекеттік-құқықтық бөлімінің маманы болып қызмет атқарған. 2009 жылы Қоршаған ортаны қорғау министрінің көмекшісі, 2012 жылға дейін Қоршаған ортаны қорғау министрлігінің Экологиялық реттеу және бақылау комитеті басшысының орынбасары болып қызмет атқарды. Ал 2017 жылдың шілде айынан бастап Қостанай облысы бойынша экология департаментін басқарды.
Сіз жаңалықтар туралы не ойлайсыз