14 қыркүйек күні Алматы облысында әскери жаттығу кезінде ҚР Қарулы Күштердің әскери қызметкері, 1990 жылғы капитан қаза тапты, деп хабарлайды Qazaqpress Zakon.kz-ке сілтеме жасап.
Ол парашютпен секіру кезінде опат болды.
— Алматы облысында парашютпен жоспарлы секіру оқу-жаттығуын орындау кезінде Қарулы Күштердің әскери қызметшісі, әскери шені «капитан», 1990 жылы дүниеге келген офицер қаза тапты. Туыстарының өтініші бойынша өзге ақпарат жария етілмейді, — делінген хабарламада.
Министрлік баспасөз қызметінің мәліметі бойынша, бұрын ол 50 шақты рет парашютпен секірген.
— Қорғаныс министрлігінің басшылығы және Қарулы Күштердің жеке құрамы қаза болған әскери қызметшінің жақындары мен туыстарына қайғырып көңіл айтады. Қорғаныс министрлігі әскери қызметшінің отбасына көмек көрсету жөніндегі қажетті шараларды қабылдайды, — дейді ведомство өкілдері.
Сіз жаңалықтар туралы не ойлайсыз