Тамара Асар жаңа туған сәбиімен түскен суретін жариялады, деп хабарлайды Qazaqpress Nur.kz-ке сілтеме жасап.
Қуанышымен бөліскен ана көпшіліктен кеңес сұрап, әсерлі жазба қалдырды.
– Менің бұрыннан тамаққа тәбетім төмен, қазір баламен үйде отырғасын, тіпті төмендеп кеткесін, біз бүгін бірінші рет далаға таза ауаға шықтық. Жан-жағыма алақтап, орманда келе жатқан адам сияқты қызық сезімде болдым. Қалың киініп алып, қорбаңдап, терлеп әлек болдым. Ажар үйден шыққаннан пысылдап ұйықтаған күйі, үйге қайта кіргенше ұйықтады. Қамбар мәз. Папасы мәз. Дәрігерлердің айтуынша, жас босанған әйел үшін де, сәбиі үшін де босана салып, далаға шығу дұрыс әрі пайдалы дейді. Ал сіздің ойыңызша қалай, далаға қырық күнді толтырып шыққан дұрыс па? – деп жазды ол.
– Қазақтың ырымы бойынша, 40 күнді сақтаған жөн, ана үшін де, бала үшін де, сөзден, сұқ көзден абай болғаны дұрыс, «Жылы киініп, баланы да жылы киіндіріп, 5 минуттан есік алдына шығу керек. Оған ешкім анда-мында бар демейді. Үйде отыра берсе, иммунитет түсіп кетеді», «Иә, таза ауаға шығудың еш сөкеттігі жоқ. Қайта пайдалы», «Сәбиіңіз аман болсын», – деп жазды сауалын жауапсыз қалдырмаған оқырмандары.
Еске сала кетелік, отандық кәсіпкерге тұрмысқа шыққан Тамара Асар 2 қыркүйек күні перзентті болып, қыз сүйді, ал сәбиінің есімін Ажар деп қойды.
Кейін жұбайы мен достары әншіні перзентханадан ән-күймен шығарып алды.
Сіз жаңалықтар туралы не ойлайсыз