Қазақстандық боксшы Жәнібек Әлімханұлы әйгілі отандасы Геннадий Головкинмен жекпе-жек өткізу туралы сұраққа жауап берді, деп хабарлайды Qazaqpress Nur.kz-ке сілтеме жасап.
— Жанкүйерлер менен «неліктен GGG-ді жекпе-жекке» шақырмайсың деп сұрайды. Жауап берейін. Ол менің үлкен ағам. Қазақстанда үлкендерді сыйлау керек — бұл біздің дәстүр. Кейбір жанкүйерлер мұны түсінбеуі мүмкін. Бірақ дәстүрді құрметтеу керек екенін бәрі біледі. Бұл — қазақы стиль! – деп жазды Жәнібек Twitter парақшасында
Айта кетелік, Геннадий Головкин – IBF және IBO тұжырымдары бойынша орта салмақтағы әлем чемпионы. Жәнібек Әлімханұлы да осы дивизионда.
Бұған дейін Жәнібек Әлімханұлы бірнеше рет өз салмағындағы әлем чемпиондарын жекпе-жекке шақырған болатын.
— Мен чемпиондық жекпе-жек өткізгім келеді. Қазіргі уақытта WBO рейтингінде 2-орында тұрмын. Мунгуя болса бірінші сатыда. Олардың менімен жұдырықтасуға келіспейтінін білемін. Өйткені оларды нокаутқа жіберетінімді жақсы біледі. Ал Андраде? Ол қайда? Маған WBO нұсқасы бойынша әлем чемпионы титулы қажет – деді боксшы
Жалпы отандасымыз кәсіпқой боксқа ауысқалы 10 кездесу өткізіп, барлығында жеңіске жетті. Соңғы жекпе-жегінде ол америкалық боксшы Роб Брантты тізе бүктірді.
Сіз жаңалықтар туралы не ойлайсыз