Ауғанстаннан жеткізілген 35 этникалық қазақтың әрқайсысына 204 мың теңгеден бөлінеді, деп хабарлайды Qazaqpress Nur.kz-ке сілтеме жасап.
Сонымен қатар, бір жыл бойы ай сайын 87 500 теңгемен көмек көрсететін болады. Алматы қаласы әлеуметтік әл-ауқат басқармасындағылар Отанға оралғандардың жұмысқа тұруына да жәрдемдеспек.
Елге оралған этникалық қазақтар бірден әуежайдан қонақ үйге жеткізілді.
Қандастарға аяқтарына нық тұрғанша бөлінетін бір реттік және ай сайынғы жәрдемақы Ақмола, Қостанай, Павлодар, Шығыс Қазақстан және Солтүстік Қазақстан облыстарында қоныстанғандарға ғана беріледі.
Онымен қоса дипломы бар адамдардың мамандық бойынша жұмысқа тұруына да көмек көрсетілмек. Ал білімі мамани емес оралмандарға арнайы курстар беріп, оқыту көзделді.
– Барлық түсіндірме жұмыстары жүргізілді. Қазір министрлік тарапынан сол қай жерге ол кісілерді тұрақтандыратыны туралы жұмыс жүргізіліп жатыр – деді Алматы қаласы әлеуметтік әл-ауқат басқармасы басшысының орынбасары Данияр Әлкебайұлы.
Қандастар қонақ үйде 24-ші қыркүйекке дейін болады. Оларға қай өңірге барып өмір сүретінін нақтау үшін, екі апта берілді.
Еске сала кетелік, 9 қыркүйекте мемлекет басшысы Қасым-Жомарт Тоқаевтың тапсырмасымен Ауғанстаннан 35 этникалық қазақ тарихи отанына оралды.
Оралмандарды Қорғаныс министрлігінің арнайы ұшағы Кабулдан Алматы қаласына жеткізді.
Келген жолаушылар карантиннен өту үшін, уақытша оқшауланған болатын.
Кейін қандастарымыздың елге келу сәтінен бейне-жазба жарияланды.
Сіз жаңалықтар туралы не ойлайсыз