Әнші Меруерт Түсіпбаева Токио Олимпиадасында жеңіліс тапқан ел спортшыларына қатысты пікір білдірді, деп хабарлайды Qazaqpress Nur.kz-ке сілтеме жасап.
Олардың дайындық деңгейіне наразы болған өнер иесі әлемдік додаға қатысқан спортшыларды сынға алды.
Меруерт Түсіпбаеваның пікірінше, олимпиадаға Қазақстан атынан қатысқан спортшылар тамыр-таныс арқылы кеткен. Ол саудаға салынған спортқа қатысты өз өкінішін білдірді.
Жазбада әнші спорт саласындағы жемқорлықты сынға алып, спорт басқармасындағыларды сөккен болатын.
Айта кетелік, шілденің 27-сі Токио Олимпиадасында жүлде дәмелеткен Қазақстан спортшылары, оның ішінде боксшылар алғашқы кездесуде-ақ жеңіліс тапқан еді.
Қазақстандық боксшылардың ойынына талдау жасаған Сидней Олимпиадасының жеңімпазы Ермахан Ыбырайымовтың айтуынша, олардың бірі үлкен жауапкершілікті көтере алмаса, бірі – психологиялық тұрғыда өз-өзін ұстай алмады.
– Бірақ Қазақстаннан әлі төрт боксшы шығады. Сондықтан қалған боксшыларға сенім артамыз және әлі де Қазақстан боксшылары алтын-күміс әкеледі деген сеніміміз мол – деді ол.
Еске салайық, қазір Қазақстан олимпиададан үш қола медаль ұтып алды. Олардың бірі дзюдошы Елдос Сметовке тиесілі, ал екеуін ауыр атлеттер Игорь Сон мен Зүлфия Чиншанло иеленді.
Жалпы олимпиаданың есептік деңгейінде сайыстың ақтық күнінің қортындысы бойынша Қазақстан 56-шы орында тұр, ал үздік үштікке – Қытай, Жапония және АҚШ кірді.
Сіз жаңалықтар туралы не ойлайсыз