Алматы облысында ашулы тұрғындар жолды жауып тастады

Олар электр қуатының жиі өшуіне және су жоқтығына шағымданады. Әкімдік өкілдері болған жайтқа пікір білдірді.

Әлеуметтік желіде бірнеше адам жиналып, жолды жауып тастағаны туралы видео тарады.

-Қарасай ауданының әкімдігі оқиға Жармұханбет ауылында болғанын хабарлады. 15 шілдеде сағат 13.20-да 10-15 адам жиналып, Бұрындай-Жібек жолы тасжолын жауып тастаған. Қозғалыс 10-15 минутқа тоқтатады. Осылайша тұрғындар электр қуатының жиі өшуіне және судың болмауына наразылығын білдірді.

Сағат 14.30-да 10 шақты адам аудандық әкімдікке келді. Тұрғындарды әкім орынбасары Айдын Әуесбай қабылдап алды. Тұрғындар талабын айтты, қажет шаралар қабылданады. Бүгінде ауылда жарық бар, – деді Қарасай ауданы әкімдігінің өкілдері.