Қаржы мониторингі агенттігі мектептегі құрылыстан қаражат жымқыру фактісін анықтады, деп хабарлайды Qazaqpress Zakon.kz-ке сілтеме жасап.
«Шымкент қаласы бойынша агенттіктің аумақтық департаменті «Жұлдыз» тұрғын үй аумағында орта мектеп салуға бөлінген 5,5 млн теңгені жымқыру дерегін анықтады», – деп хабарлайды ҚР ҚМА баспасөз қызметі.
Тергеу барысында кәсіпкер мектеп құрылысы кезінде нақты орындалмаған жұмыстар туралы дәйексіз мәліметтер бойынша есептер ұсынғаны белгілі болды.
«Сот құрылыс-экономикалық сараптамасының қорытындысына сәйкес, мемлекетке келтірілген залал сомасы шамамен 5,5 млн.теңгені құрады. Құрылыс жұмыстарын жүргізген жосықсыз кәсіпкер кінәсін толық мойындап, келтірілген шығын сомасын өтеді», – делінген хабарламада.
Еңбекші аудандық соты оған үш жылға бас бостандығын шектеу жөнінде жаза кесті.
Сіз жаңалықтар туралы не ойлайсыз