Ақтөбеде 13 жастағы бала суға батып кетті

Ақтөбе облысы, Хромтау ауданындағы Ор өзеніне 13 жастағы бала суға батып кетті, деп хабарлайды Qazaqpress ҚазАқпаратқа сілтеме жасап.

Хабарлама ата-анасынан түскен. Оқиға орнына жедел-тергеу тобы барды.

«Оқушы суға шомылып жүріп батып кеткен. Денесін жергілікті тұрғындар судан алып шыққан. Бала су қоймасында ата-анасымен бірге болған. Су айдындағы балалар өмірінің қауіпсіздігі көп жағдайда ата-анаға байланысты. Табиғи және жасанды су айдындарында демалғанда балаға судағы қауіпсіздік ережесін мұқият түсіндіру керек» — деді Ақтөбе облысы ПД бастығы Атығай Арыстанов.