Мәнерлеп сырғанаушы Денис Теннің өлімі ісі бойынша сотталған Жанар Толыбаева жазасын өтеу үшін колонияға қайтарылды. Ақпарат Алматы облыстық сотының баспасөз қызметінен алынды, деп хабарлайды Qazaqpress Tengrinews.kz-ке сілтеме жасап.
«2021 жылдың қаңтарында зардап шеккен тарап Алматы облыстық сотына жеке шағым жасап, үкімді ауыстырудың күшін жоюды сұрады.
Апелляция сотталушының «Өтелмеген жазаның бөлігін жеңіл жаза түрімен ауыстыру туралы» Іле аудандық соты шешімінің күшін жойды», – деді баспасөз қызметі.
Соттың апелляциялық бөлімі сотталушының түзелу жолына түскендігі туралы дәйек жеткіліксіз деп шешкен, ал тергеуші сот өтінішті қараған кезде жәбірленушінің пікірі ескерілмеген.
Сотталған Жанар Толыбаева жазасын әрі қарай өтеу үшін ЛА-155/4 мекемесіне қайтарылды.
Естеріңізге сала кетейік, 6 қаңтарда Денис Теннің өліміне қатысты сотталушы Жанар Толыбаева 2020 жылы босатылды деп хабарланған болатын. Сол жылы Денис Теннің өліміне қатысты сот сотталушының өтелмеген жазасының бөлігін бас бостандығын шектеумен ауыстырды.
Сіз жаңалықтар туралы не ойлайсыз