Тағы бір бүлдіршін терезеден аунап, құлап кетті, деп хабарлайды Qazaqpress Tengrinews-ке сілтеме жасап.
Полиция департаментінің мәліметі бойынша 18 мамыр күні бір жасар бүлдіршін терезеден құлап, ауыр халде реанимация бөлімшесіне түсті.
— Бала пәтерде анасымен және 2 жасар інісімен болған. Анасы жуынатын бөлмеде жуынып жатқанда, асүйдегі бүлдіршін ашық тұрған тапал терезеге көтеріліп, құлап кетті. Терезеде масаларға қарсы торы болды, ал тіреулер мен темір торлар орнатылмаған – деді полиция департаментінде.
Полиция қызметкерлері ата-аналарға сақ болуын тағы ескертті.
— Балаларды ешқашан қараусыз қалдырмаңыз, балалардың ашық терезелер жанында ойнауына жол бермеңіз. Масаларға қарсы торлар балаға жалған қауіпсіздік сезімін ұялатып, нәтижесінде бала оған сүйенуі мүмкін. Терезе тұтқаларын алып тастауға немесе арнайы құлыпты тұтқаларды қолдануға, терезе ысырмалары мен бекіткіштерді орнатып, қорғаған жөн. Есіңізде болсын, балаңыздың өмірі мен денсаулығы тек сіздің қолыңызда! – деп полиция қызметкерлері уайымын білдірді.
Одан бөлек 2021 жылы Нұр-Сұлтан қаласында тағы төрт баланың терезеден құлап кетіп, бірі тіпті, дүние озғаны белгілі болды. Оқиға 15 мамырда орын алды. Бала пәтерде анасымен болған еді, ол пәтерді жинап жүріп, бөлмеден бірнеше минутқа шығып кеткентін. Терезелерге ілмек тәрізді шектеулер орнатылған болатын, алайда бала оны өздігінен аша алды.
Сіз жаңалықтар туралы не ойлайсыз