Қызылордада полиция жол жиегінде велосипедпен келе жатқан жасөспірімді қағып, қашып кеткен көлік жүргізушісін ұстады, деп хабарлайды Qazaqpress ҚазАқпаратқа сілтеме жасап.
Оқиға Қызылорда қаласының орталық көшелерінің бірінде болды. Жол жиегінде велосипедпен келе жатқан жасөспірімді белгісіз автокөлік қағып кеткен.
«Полицияға түскен хабарлама негізінде жедел іздестіру шарасы жүргізілді. Тәртіп сақшылары жақын маңдағы ғимараттардағы бейнекамера жазбаларын қарап шықты. Нәтижесінде екі сағат ішінде күдікті автокөлік анықталды. Көлік жүргізушісіне қатысты ҚР Әкімшілік құқық бұзушылық туралы кодексінің 610-бабы 2-бөлігімен және 611-бабының 2-бөлігімен әкімшілік құқық бұзушылық туралы хаттама толтырылды. Жасөспірімге медициналық көмек көрсетілді. Оның өмірі мен денсаулығына қауіп жоқ», — деп мәлім етті Қызылорда облыстық полиция департаментінен.
Сіз жаңалықтар туралы не ойлайсыз