Грузия прокуратурасы 5 мамырда Тбилисиде өзіне қол салған 26 жастағы қазақстандық Әсел Айтбаеваның зорланғанын мәлімдеді, деп хабарлайды Qazaqpress Tengrinews.kz-ке сілтеме жасап.
Прокуратураның хабарлауы бойынша, қыздың зорланғаны тергеу барысында анықталды, оны өлтіремін деп қорқытқан. Осы себепті де қыз өзіне қол салған.
Күдікті 6 мамырда қамауға алынды. Грузия Қылмыстық кодексінің бірнеше бабы бойынша тергеу жүріп жатыр.
Прокурорлардың айтуынша, егер күдіктінің қылмысы дәлелденсе, ол 8-10 жылға сотталады.
Бұған дейін Грузияда 26 жастағы қазақстандық Әсел Айтбаеваның жұмбақ жағдайда қайтыс болғаны хабарланған еді.
Марқұмның әпкесінің сөзінше, Әсел қайтыс болар алдында құрбысына аудиохабарлама жіберіп үлгерген. Аудиода белгісіз ер адамның оған қоқан-лоқы көрсетіп жатқаны естіледі.
Сіз жаңалықтар туралы не ойлайсыз