Алматы облысында педофил өмір бойына сотталды, деп хабарлайды Qazaqpress ҚазАқпаратқа сілтеме жасап.
Қорғаушының апелляциялық арызы қанағаттандырусыз қалдырылды.
Жас баланы ұрлаумен ұштасқан зорлау және жыныстық қатынасқа мәжбүрлеу сипатындағы зорлық-зомбылықты жүзеге асырғаны үшін өмір бойына бас бостандығынан айырылған Н.-ның қорғаушысы сот үкіміне қарсы өз шағымын жолады. Апелляциялық арызды Алматы облыстық сотының қылмыстық істер жөніндегі сот алқасы қарады.
Еске салсақ, сотталушы Н. 2020 жылдың 7 наурызында алкогольді ішмдік ішіп масаң күйде, өзінің жыныстық қатнас тәрізді нәпсіқұмарлық ойын жүзеге асыру мақсатымен көршісі, жас бала С.-ты қарсыласқанына қарамастан ұрлап кеткен. Оны жеке тұрғын үйдің жертөлесіне апарып, жұдырықпен соққыға жыққан. Кейін жас баланың есінен танып, дәрменсіз күйде болғанын пайдаланып, сексуалдық сипаттағы зорлық-зомбылық пен зорлау қылмысын жасаған.
Алматы облысының қылмыстық істер жөніндегі мамандандырылған ауданаралық сотының 2021 жылдың 12 қаңтардағы үкімімен — аталған қылмыстардың аса ауыр қылмыстар санатына жататыны, қылмыстың сипаты мен сотталушының жеке басы, оның ішінде қылмыс жасағанға дейінгі және қылмыс жасағаннан кейінгі мінез-құлқы, жауаптылық пен жазаны ауырлататын мән-жайлардың бар екені ескеріліп, Н. өмір бойына бас бостандығынан айырылған.
Аталған сот үкімімен сотталған Н.-ның қорғаушысы келіспей, «іс бойынша жүргізілген сот сараптамаларының қорытындыларына бірінші сатыдағы сот дұрыс баға бермеді» деген уәжбен сот үкімін бұзып, тағылған айыптар бойынша ақтауды сұраған.
Апелляциялық сот алқасы қылмыстық іс материалдарын, оның ішінде жүргізілген сараптама қорытындыларына мамандандырылған ауданаралық соты лайықты, дұрыс баға бергенін мұқият тексере келе, «апелляциялық шағым қанағаттандырусыз, сот үкімі өзгеріссіз қалдыруға жатады» деген шешімге келді.
Сіз жаңалықтар туралы не ойлайсыз