Алматыда жалған АҚШ долларын жасаумен айналысқандар сотталды, деп хабарлайды Qazaqpress ҚазАқпаратқа сілтеме жасап.
Агенттіктің Алматы қаласы бойынша Экономикалық тергеп-тексеру департаменті жалған АҚШ долларын сақтау және өткізумен айналысқан қылмыстық топқа қатысты сотқа дейінгі тергеуді аяқтады.
«2020 жылдың тамыз айында жедел-іздестіру іс-шараларын жүргізу кезінде Алматы қаласының аумағында жалпы сомасы 4 200 доллар болатын 42 дана 100 АҚШ доллары номиналындағы жалған шетел валютасын сатумен айналысатын екі адамнан тұратын қылмыстық топ әшкереленіп, ұсталды», – делінген хабарламада.
Сот үкімімен айыптаушылар деп танылғандар Қылмыстық кодекстің 231-бабы 2-бөлігі 2,3-тармағына сәйкес (жалған ақшаны немесе құнды қағаздарды дайындау, сақтау, тасымалдау немесе өткізу) бойынша кінәлі деп танылып, 3 жылдан 5 жылға дейін бас бостандығынан айыру түріндегі әртүрлі жаза мерзіміне сотталды.
Сіз жаңалықтар туралы не ойлайсыз