Алматыдағы әл-Фараби даңғылы адам танымастай өзгереді, деп хабарлайды Qazaqpress Tengrinews.kz-ке сілтеме жасап.
Шығыс айналма автожолынан Тұңғыш Президент саябағына дейін жол қалпына келтіріліп жатыр. Оның үстіне, жолдың өзі ғана емес, іргелес үйлер, көпірлер мен өзен арнасы де өзгереді. Жасыл көпір салынады, тротуарлар мен велосипед жолдарын жасайды, қоғамдық көліктерге жолақ қосады. Бұл туралы Алматы қаласының 2022 жылға дейінгі дамуына арналған әкімдіктің жаңа таныстырылымында айтылған.
Әл-Фараби даңғылындағы ең ерекше жоба – Ботаникалық бақ пен жоталарда салынатын жаңа саябақты жалғайтын жасыл көпір.
Әкімдік жоспарлағандай, жаяу жүргіншілер көпірі жасыл желекті қалыптастыратын қаладағы жаңа символға айналады. Көпір бақтың жалғасы болады. Оның ұзындығы – 350 метр, ал жаяу жүру бағыты – бір шақырымға жуық.
Жаңа қоғамдық кеңістіктерді жобалау осы жылдың соңына дейін, іске асыру келесі жылға жоспарланған.
Әл-Фараби даңғылымен бірге Есентай өзенінің көрінісі де өзгереді.
Мұнда көпір кеңістігін және жағалау аймағын жақсартумен паркур аймақтарын құру жоспарлануда.
Әкімдікте әл-Фараби даңғылы бойына 4 346 ағаш отырғызылатынын мәлімдеді. Жаяу жүргіншілерге арналған жалпы алаң 58 427 шаршы метр болады.
Қарастырылып отырған учаскенің бойында төрт жер үсті жаяу жүргіншілер өткелі бар, олар бойынша қайта құру жұмыстары ұсынылған.
Тротуардың ені – 2,25 метр, велосипед жолының ені – екі метр.
Әкімдіктің Үлкен Алматы өзенінің арнасын жақсарту бойынша да жоспарлары бар.
Әл-Фараби бойында қайта жаңарту жұмыстарынан кейін біраз көлік тұрағы жоғалады.
Сіз жаңалықтар туралы не ойлайсыз