Сыбайлас жемқорлыққа қарсы іс-қимыл агенттігі онлайн-брифинг барысында Жамбыл облысында Мемлекеттік кірістер департаментінің бұрынғы басшысы 100 мың доллар пара алды деп күдіктеліп жатқанын мәлімдеді, деп хабарлайды Qazaqpress Nur.kz-ке сілтеме жасап.
«Cыбайлас жемқорлыққа қарсы іс-қимыл агенттігі Жамбыл облысында мемлекеттік кірістер департаментінің бұрынғы басшысына қатысты аса ірі көлемде пара алу фактісі бойынша қозғалған қылмыстық іс бойынша тергеуді аяқтады.
Ол салықтық тексерісті уақытылы және кедергісіз аяқтау үшін және басқа да кәсіпорындардың коммерциялық қызметін мемлекеттік кірістер департаменті тарапынан кедергісіз жүзеге асыруына мүмкіндік беру үшін 100 мың доллар пара алды деп күдіктелуде», – дейді сыбайлас жемқорлыққа қарсы іс-қимыл агенттігі тергеушісі Данияр Бекайдаров.
Қазіргі уақытта күдікті іспен танысып жатыр деп хабарланды.
Еске салсақ, бұған дейін Алматы қалалық сыбайлас жемқорлыққа қарсы қызметі пара алды деген күдікпен мегаполистің мобильділік басқармасы басшысына қатысты қозғалған қылмыстық істі тергеп жатқаны туралы хабарлаған болатынбыз.
Сіз жаңалықтар туралы не ойлайсыз