Алматыда 31 жастағы ер адам алтыншы тәулік іздестіріліп жатыр

Алматыда 31 жастағы Бейбіт Никатов алтыншы тәулік іздестіріліп жатыр, деп хабарлайды Qazaqpress Tengrinews.kz-ке сілтеме жасап. 

— 1 наурызда ол үйінен жұмысына кеткен. Содан бері оны ешкім көрмеген. Телефоны сөндірулі, — дейді бауыры Абзал Арықбаев.

Бейбіт Никатовтың туыстары оның жоғалу дерегі бойынша полицияға хабар берді.

— Бұған дейін ешқандай да себеп дейтіндей оқиға болған жоқ. Ол — отбасына жақын адам, әйелі мен балалары күтіп жатыр. Ішпейді, шекпейді. Жеке компанияда менеджер болып жұмыс істейді. Ойда жоқта жоғалды, — дейді бауыры.